வாரிசு பட இயக்குனருடன் இணைகிறாரா அமீர்கான்? உலாவும் புது தகவல்!

பாலிவுட் நடிகர் அமீர்கான் நடித்த சமீபத்திய சில திரைப்படங்கள் தொடர்ச்சியாக தோல்வியை சந்தித்துள்ளன. தற்போது அவர் ‘சித்தாரே சமீன் பார்’ என்ற படத்தில் நடித்துள்ளார்.

அதற்கிடையில், தமிழில் ரஜினிகாந்தின் ‘கூலி’ திரைப்படத்தில் முக்கிய கதாபாத்திரம் ஒன்றில் நடித்துவருவதாக தகவல்கள் தெரிவிக்கின்றன. இதற்கு இணையாக, அமீர்கான் கதாநாயகனாக நடிக்கவுள்ள புதிய திரைப்படத்திற்காக தெலுங்கு இயக்குனர் வம்சி பைடப்பலியுடன் பேச்சுவார்த்தையில் இருப்பதாக கூறப்படுகிறது.

வம்சி பைடப்பலி, ‘வாரிசு’, ‘மகரிஷி’, ‘தோழா’ போன்ற வெற்றிப்படங்களை இயக்கியவர் என்பது குறிப்பிடத்தக்கது. மேலும், இந்த புதிய திரைப்படத்தை தெலுங்கு தயாரிப்பாளர் தில் ராஜூ தயாரிக்க வாய்ப்புள்ளது என்று கூறப்படுகிறது.