‘வாரிசு’ லோகேஷ்: தளபதி 67 குறித்து அப்டேட்

விஜய் நடித்து வெளியாகி உள்ள வாரிசு படம் நேற்று திரையரங்குகளில் வெளியாகி கலவையான விமர்சனங்களைப் பெற்று வருகிறது.

அவரது அடுத்த படமான தளபதி 67 படத்தை இயக்கும் லோகேஷ் கனகராஜ், வாரிசு படத்தைப் பார்த்தார். அவர், “படம் சிறப்பாக உள்ளது.. இதற்காகத்தான் காத்திருந்தேன்” என்று தெரிவித்தார்.

மேலும் தளபதி 67 படம் குறித்து அப்டேட்டும் கொடுத்துள்ளார்.

இப்படத்தில் விஜயுடன் திரிஷா நடிக்க, அர்ஜுன், சஞ்சய் தத், கௌதம் மேனன் உள்ளிட்ட பலர் நடிக்கின்றனர். அனிருத் இசையமைக்கிறார்.

இந்த நிலையில் சென்னை குரோம்பேட்டை வெற்றி திரையரங்கில் வாரிசு படம் பார்த்த லோகேஷ், “சென்னையில் தற்போது முதற்கட்ட படப்பிடிப்பு நடைபெற்றுவரும் நிலையில் அடுத்தகட்ட படப்பிடிப்புக்காக காஷ்மீர் செல்ல இருக்கிறது படக்குழு” என்றார்.

 .