மக்கள் இடையே ஒரு படத்தை பற்றிய ஆர்வத்தை தூண்டுவது, அப்படத்தின் டிரெயிலர் மற்றும் பாடல்கள் ஆகும்.
அந்த வகையில் சமீபத்தில் வெளியான ‘தீங்கிரை’ படத்தின் டிரைலர் மற்றும் பாடல் சினிமா ரசிகர்களிடையே அதிக ஆர்வத்தையும் எதிர்பார்ப்பையும் ஏற்படுத்தி இருக்கிறது.
இந்தத் ‘தீங்கிரை’ படம் சஹானா ஸ்டுடியோஸ் மற்றும் TWD மீடியா நிறுவனங்களின் சார்பில் தயாரிப்பாளர் ப்ரியா Y.தர்ஷினி தயாரிப்பில், A.கிருஷ்ணகுமார் மற்றும் T.பிரசாத் அவர்களின் இணை தயாரிப்பில் உருவாகியுள்ளது.
இந்தப் படத்தில் ஶ்ரீகாந்த்தும், நடிகர் வெற்றியும் முதல்முறையாக இணைந்து நடிக்கிறார்கள். நாயகிகளாக அபூர்வா ராவ் மற்றும் ஸ்முருதி வெங்கட் இருவரும் நடித்துள்ளனர். மேலும் ஒரு முக்கிய கதாபாத்திரத்தில் நிழல்கள் ரவி நடித்திருக்கிறார்.
பிரகாஷ் நிக்கி பாடலில், ஹரிஷ் அர்ஜுன் பின்னணி இசையமைக்கும் இந்த படத்திற்கு யுவராஜ் மனோகரன் ஒளிப்பதிவு செய்கிறார். கலை இயக்குநராக என்.கே.ராகுல், படத் தொகுப்பாளராக C.S.பிரேம் குமார் பணியாற்றியுள்ளனர். இப்படத்திற்கு கதை, திரைக்கதை, வசனம் எழுதி இயக்கியிருக்கும் பிரகாஷ் ராகவதாஸ், படத்தில் ஒரு முக்கியமான கதாபாத்திரத்தில் நடித்தும் இருக்கிறார்.
சைக்கோ கிரைம் திரில்லர் பாணியில் உருவாகியிருக்கும் இந்தத் ‘தீங்கிரை’ படத்தின் டிரைலரை பார்த்தவர்கள், வெகுவாக பாராட்டி வருகிறார்கள்.
மேலும் சமீபத்தில் வெளியான சித் ஸ்ரீராம் பாடிய ‘அவிழாத காலை’ என்னும் ரொமான்டிக் பாடல், இளைஞர்களின் மனதை கொள்ளை கொண்டு பத்து லட்ச பார்வையாளர்களை கடந்து வைரலாகி வருகிறது.
தற்போது இந்தத் ‘தீங்கிரை’ படத்தின் படப்பிடிப்புகள் முடிந்து இறுதிகட்ட பணிகள் மும்முரமாக நடைபெற்று வருகிறது. விரைவில் இப்படத்தை வெளியிட படக் குழுவினர் முடிவு செய்துள்ளனர்.
