“நந்தினி கதாபாத்திரத்தில் நடித்த ஐஸ்வர்யா ராய் மீது எனக்கு மிகவும் பொறாமையாக உள்ளது..!” என்று தனது இன்ஸ்டாகிராம் பக்கத்தில் நடிகை மீனா பதிவிட்டுள்ளார்.
‘என் ராசாவின் மனசிலே’ படத்தில் ஹீரோயினாக அறிமுகமான இவர் ரஜினி, கமல், விஜய், விஜயகாந்த், சரத்குமார், பிரபு, விஜய், அஜித் போன்ற முன்னணி ஹீரோக்களுடன் நடித்துப் பிரபலமான நடிகை மீனா தற்போதும் தொடர்ந்து படங்களில் நடித்துக் கொண்டிருக்கிறார்.
சென்ற வாரம் வெளிவந்த மணிரத்னத்தின் ‘பொன்னியின் செல்வன்’ படத்தைப் பார்த்த நடிகை மீனா அது குறித்து தன்னுடைய இன்ஸ்டாகிராம் பக்கத்தில், அந்தப் படத்தில் நந்தினியாக நடித்திருக்கும் ஐஸ்வர்யா ராயின் புகைப்படத்தைப் பகிர்ந்து பதிவு ஒன்றைப் பதிவிட்டுள்ளார்.
அதில், “பொன்னியின் செல்வன் படத்தில் இடம்பெற்றுள்ள நந்தினி கதாபாத்திரத்தில் நடிக்க வேண்டும் என்பது என்னுடைய நீண்ட நாள் கனவு. அந்த வாய்ப்பு தற்போது ஐஸ்வர்யா ராய்க்குக் கிடைத்துள்ளது. இதனால் ஐஸ்வர்யா ராய் மீது எனக்கு மிகவும் பொறாமையாக உள்ளது. இப்படி நான் பொறாமை கொள்வது இதுவே முதல் முறை. பொன்னியின் செல்வன் படத்தில் நடித்துள்ள அனைத்து நடிகர், நடிகைகளுக்கும் எனது வாழ்த்துகள்” என்று தெரிவித்துள்ளார்.
மீனாவின் இந்தப் பதிவு இணையத்தில் வைரலாகி வருகிறது.
