நடிகர் கமல்ஹாசன் 28 ஆண்டுகளுக்குப் பிறகு, இயக்குனர் ஷங்கரின் இயக்கத்தில் மீண்டும் நடிக்கிறார். இந்தப் படத்தில் கமல்ஹாசனோடு பிரியா பவானி சங்கர், காஜல் அகர்வால், ரகுல் ப்ரீத் சிங், சித்தார்த், பாபி சிம்ஹா, சமுத்திரக்கனி ஆகியோர் முக்கிய கதாபாத்திரங்களில் நடித்துள்ளனர்.
இந்தப் படத்தின் இசையமைப்பை அனிருத் செய்துள்ளார். லைகா மற்றும் ரெட் ஜெய்ண்ட் நிறுவனங்கள் இணைந்து தயாரித்துள்ள இந்தப் படத்தின் இரண்டாம் பாகத்தைப் பற்றி பல சுவாரஸ்யமான தகவல்கள் வெளியாகியுள்ளன.இந்த திரைப்படம் ஜூலை 12 ஆம் தேதி வெளியீடு காணவுள்ளது.
படத்தின் முதல் பாடல் மே 22 ஆம் தேதி வெளிவரும் என படக்குழுவினர் அதிகாரப்பூர்வமாக அறிவித்துள்ளனர். இந்த அறிவிப்பினை உறுதிப்படுத்தும் வகையில், குதிரையில் சென்று கொண்டிருக்கும் கமல்ஹாசனின் படத்தை போஸ்டரில் வெளியிட்டுள்ளனர். இந்த தகவலை அறிந்த ரசிகர்கள் மிகுந்த உற்சாகத்துடன் உள்ளனர்.
முதல் பாகம் போலவே இந்தப் பாகமும் மிகப்பெரிய வெற்றியைப் பெறும் என எதிர்பார்க்கப்படுகிறது. மேலும், இப்படத்தின் மூன்றாம் பாகமும் விரைவில் வெளியாகும் என கூறப்படுகிறது.
