வெப் சீரிஸ்-ல் நடிக்கும் நடிகர் விஜய் சேதுபதி மற்றும் மணிகண்டன்! தலைப்பு என்ன தெரியுமா?

நடிகர் விஜய் சேதுபதி சமீபத்தில் வெளிவந்த ‘மகாராஜா’ படம் மூலம் மீண்டும் வெற்றி பாதைக்கு திரும்பியுள்ளார். நித்திலன் சுவாமிநாதன் இயக்கத்தில் வெளிவந்த மகாராஜா திரைப்படம் மிகப்பெரிய வரவேற்பையும் வசூலையும் பெற்றது. நடிப்பில் விஜய் சேதுபதியும் இயக்கத்தில் நித்திலன் சுவாமிநாதனும் பலரது பாராட்டுகளை பெற்றார்கள். மேலும் வெற்றிகரமாக 50நாட்களை கடந்துள்ளது.

இதையடுத்து தனது புதிய படங்களில் நடிக்க கமிட்டாகி வருகிறார். தற்போது புதிய வெப் தொடரில் நடிக்கவுள்ளார் விஜய் சேதுபதி என கூறப்படுகிறது. டிஸ்னி ஹாட் ஸ்டார் ஓடிடி நிறுவனம் தயாரிக்கும் இந்த வெப் தொடரில் விஜய் சேதுபதி உடன் குட் நைட் புகழ் மணிகண்டனும் இணைந்து நடிக்கிறார்.

இதற்கு ‘முத்து என்கிற காட்டான்’ எனும் தலைப்பு வைத்துள்ளனர். இது கிராமத்து பின்னனியில் உருவாகும் ஆக் ஷன் கதை தொடராக உருவாக உள்ளது.