உலகநாயகன் என்று ரசிகர்களால் அழைக்கப்படும் நடிகர் கமல்ஹாசனின் மகளான ஸ்ருதிஹாசன், ரஜினிகாந்தின் ‘கூலி’ படத்தில் ப்ரீத்தி என்ற கதாபாத்திரத்தில் நடிக்க உள்ளார் என்ற அதிகாரப்பூர்வ அறிவிப்பு நேற்று வெளியானது. கமல்ஹாசன் மற்றும் ரஜினிகாந்த் பல படங்களில் இணைந்து நடித்துள்ள நிலையில், இந்தப்படம் ரஜினிகாந்தின் படத்தில் கமல்ஹாசனின் மகள் நடிக்கும் முதலாவது படம் என்பதால் ரசிகர்கள் ஆச்சரியத்தில் ஆழ்ந்துள்ளனர்.
நடிகை ஸ்ருதிஹாசன், தனது உடலை ஆரோக்கியமாக வைத்துக் கொள்ள தற்காப்பு பயிற்சிகளில் ஈடுபட்டு வருகிறார். கூலி படத்தின் படப்பிடிப்பு தளத்தில் அவரின் பயிற்சியை மேற்கொண்டு வரும் ஒரு வீடியோ தற்பொழுது வெளியாகியுள்ளது.
ஸ்ருதிஹாசன் கம்பு சுத்தும் வீடியோவை பார்த்த ரசிகர்கள், கூலி படத்தில் ஸ்ருதிஹாசனுக்கு ஆக்ஷன் காட்சிகள் இருக்கிறதா என்று கேள்விகளை எழுப்பி வருகின்றனர். ஆனால், இது அவரது தனிப்பட்ட தற்காப்பு பயிற்சி என்பதை குறிக்கும் தகவல்கள்தான் இதுவரை வெளியாகி உள்ளன. லோகேஷ் கனகராஜ், ஸ்ருதிஹாசனுக்கு கண்டிப்பாக சிறப்பு காட்சிகளை படத்தில் இடுவார் என்று எதிர்பார்க்கப்படுகிறது.
