ஒரு காலத்தில் முன்னணி நடிகராக இருந்தவர், தற்போது இப்படியான நிலைமைக்கு ஆளாவதற்கு உரியவராக இல்லை. சில வருடங்களுக்கு முன்பு வரை தொடர்ந்து பல வெற்றிகள் பெற்றிருந்தார் அக்ஷய் குமார். ஆனால், கடந்த சில ஆண்டுகளாக அவரின் படங்கள் தோல்வியையே சந்தித்து வருகின்றன. இந்த மாற்றம் பாலிவுட் திரையுலகிலும், ரசிகர்களிடத்திலும் பெரும் அதிர்ச்சியை ஏற்படுத்தியுள்ளது.
2020ல் ராகவா லாரன்ஸ் இயக்கத்தில் வெளியான ‘காஞ்சனா’ படத்தின் ஹிந்தி ரீமேக்கான ‘லட்சுமி’ படத்தில் தொடங்கிய இறங்குமுகம், இன்று வரை தொடர்கிறது. அதற்குப் பிறகு, அக்ஷய் குமார் நடித்த 12 படங்களில் ‘சூர்யவன்ஷி, ஓ மை காட்’ படங்கள் மட்டுமே வெற்றிபெற்றன. மற்ற 10 படங்கள் தோல்வியடைந்தன, மேலும் சில படங்கள் மிகப்பெரும் தோல்வியாய் முடிந்தது. ‘அத்ராங்கி ரே’ என்ற ஓடிடி படம் நல்ல விமர்சனங்களைப் பெற்றது.
கடந்த மாதம் வெளியான ‘சூரரைப் போற்று’ படத்தின் ஹிந்தி ரீமேக் கலவையான விமர்சனங்களை பெற்றது இந்நிலையில், ‘கேல் கேல் மெய்ன்’ படத்தின்மீது அனைவரும் நம்பிக்கை வைத்திருந்தனர். ஆனால், அந்தப் படமும் தோல்வியடைந்தது. கடந்த ஐந்து நாட்களில் 25 கோடிக்கும் குறைவாகவே வசூலித்துள்ளதாக பாக்ஸ் ஆபீஸ் தகவல்கள் தெரிவிக்கின்றன. அக்ஷயின் அடுத்த படமான ‘ஸ்கை போர்ஸ்’ அக்டோபர் 2ம் தேதி வெளியாக உள்ளது, இதற்கு ஜிவி பிரகாஷ் இசையமைத்துள்ளார்.
