துல்கர் சல்மானின் புதிய படத்தில் நடிக்கிறாரா நடிகை ஸ்ருதிஹாசன்?

தெலுங்கில் பவன் சதிநேனி இயக்கத்தில் துல்கர் சல்மான் கதாநாயகனாக நடித்து வரும் படம் ஆகாசம்லோ ஒக தாரா. இதில் கதாநாயகியாக சாத்விகா வீரவல்லி என்ற புதிய நடிகை அறிமுகமாகிறார். கீதா ஆர்ட்ஸ் மற்றும் சொப்னா சினிமாஸ் ஆகிய நிறுவனங்கள் இணைந்து தயாரிக்கும் இப்படத்திற்கு ஜி.வி. பிரகாஷ் இசையமைத்து வருகிறார்.

சமீபத்தில் வெளியான கிளிம்ப்ஸ் வீடியோ ரசிகர்களிடம் நல்ல வரவேற்பைப் பெற்றது. இதனிடையே இப்படத்தில் ஒரு முக்கியமான கதாபாத்திரத்தில் நடிக்க ஸ்ருதிஹாசன் இணைந்துள்ளார். 

இந்த தகவலை அவரே பேட்டியில் உறுதிப்படுத்தியிருந்தாலும், “அதுகுறித்து சரியான அறிவிப்பு வந்தபின் தான் நான் மற்ற அப்டேட்களை பகிர்வேன்” என்று தெரிவித்துள்ளார். இதன் மூலம் துல்கர் சல்மானும், ஸ்ருதிஹாசனும் முதல் முறையாக இணைந்து நடிக்கிறார்கள் என்பது குறிப்பிடத்தக்கது.