மார்க் ஆண்டனி பட வெற்றியைத் தொடர்ந்து விஷால் தனது 34வது படத்திற்காக ஹரியுடன் கூட்டணி வைத்துள்ளார். இப்படத்தை கார்த்திக் சுப்புராஜ் தயாரிக்கிறார். நாயகியாக பிரியா பவானி ஷங்கர், கௌதம் மேனன், சமுத்திரக்கனி உள்ளிட்ட பலர் முக்கிய கதாபாத்திரங்களில் நடிக்கின்றனர். இந்த படத்தில் தேவி ஸ்ரீ பிரசாத் இசையமைக்கிறார். படத்தின் முதற்கட்ட படப்பிடிப்பு காரைக்குடியிலும், அடுத்தகட்ட படப்பிடிப்பு தூத்துக்குடியிலும் நடந்து முடிந்தது.
தூத்துக்குடியில் படப்பிடிப்பு நடந்த சமயம் குடிநீர் வசதி இல்லாமல் கஷ்டப்படுவதாக அப்பகுதி மக்கள் சொன்னதும் உடனே 2 பெரிய சின்டக்ஸ் டேங்க் அமைத்து, குடிநீர் வசதி செய்து கொடுத்தார் விஷால்.
இப்படத்தின் அடுத்த கட்ட படப்பிடிப்பு திருச்சியில் நடைபெற்றது. இந்த நிலையில் இப்படத்தின் மோஷன் போஸ்டர் தற்போது வெளியகியுள்ளது. விஷால் கோபத்துடன் லாரியில் இறங்கிவந்து அரிவாள் எடுத்து அங்கு கட்டிபோட்டிருக்கும் ஒருவரை வெட்டுகிறார். இதை பார்க்கும் ஹரி இயக்கத்தில் வெளியான தாமிரபரணி படத்தை போன்று அதிரடியாக இருக்குமோ என்று தோன்றுகிறது.ரத்னம் என தலைப்பு வைக்கபட்டுள்ள இந்த படம் அடுத்த ஆண்டு வெளியாகும் என கூறப்படுகிறது.
