விக்ரமுக்கு நினைவில் அந்த ஒரே படத்தின் ரிலீஸ் தேதி!

பல படங்களில் நடித்திருந்தாலும் விக்ரமுக்கு பெரிய என்ட்ரி கொடுத்தது 1999ம் ஆண்டு வெளியான சேது.  அதன் பிறகு ஏராளமான படத்தில் நடித்துவிட்டார். வசூல் ரீதியாக மட்டுமின்றி சிறந்த நடிகர் என்கிற முத்திரையும் பெற்றுவிட்டார். சமீபத்தில் வெளியான பொன்னியின் செல்வன் 1 படத்திலும் ஆதித்த கரிகாலனாக நடித்து ரசிகர்களை மிரள வைத்தார்.

இவரிடம், “நிறைய படங்களில் நடித்து விட்டீர்கள். படங்களின் ரிலீஸ் தேதிகளைச் சொல்ல முடியுமா” என்று கேட்டார் நிகழ்ச்சி தொகுப்பாளினி.

அதற்கு பட்டென்று, “எத்தனையோ படங்களில் நடித்தாலும், என் நினைவில் நிற்பது, சேது படம் வெளியான தேதிதான். அது,  டிசம்பர் 10, 1999ம் வருடம். அது வரை போராட்டகளமாகவே இருந்த என் வாழ்க்கையில் வெளிச்சம் ஏற்பட காரணமாக இருந்த படம்” என்றார் நெகிழ்ச்சியுடன்.