கவின் நடித்துள்ள ‘கிஸ்’ படத்தின் ட்ரெய்லர் வெளியானது!

நடிகர் கவின், நட்புன்னா என்னானு தெரியுமா படத்தின் மூலம் ஹீரோவாக அறிமுகமானார். பின்னர் லிப்ட், டாடா படங்களில் நடித்த அவர், சமீபத்தில் வெளியான பிளடி பெக்கர் படத்தில் நடித்திருந்தார்.அந்த படம் கலவையான வரவேற்பைப் பெற்றது.

இதையடுத்து அவர் நடித்து முடித்துள்ள படம் கிஸ். பிரபல நடன இயக்குனர் சதீஷ் இயக்கியுள்ள இப்படத்தில், அயோத்தி படத்தின் மூலம் பிரபலமான ப்ரீத்தி அஸ்ரானி கவினுக்கு ஜோடியாக நடித்துள்ளார். ரோமியோ பிக்சர்ஸ் ராகுல் தயாரித்துள்ள இப்படம் தமிழ், தெலுங்கு, இந்தி உள்ளிட்ட பல மொழிகளில் வெளியாக உள்ளது. 

டீசர் மற்றும் பாடல்கள் ஏற்கனவே வெளியான நிலையில், இப்படம் வரும் செப்டம்பர் 19ஆம் தேதி உலகளவில் வெளியாகிறது. இதற்கிடையில், படத்தின் டிரெய்லர் அதிகாரப்பூர்வமாக வெளியிடப்பட்டுள்ளது.