தெருவில் இறங்கி போஸ்டர் ஒட்டிய நடிகை..!

சினிமாவில் கதா நாயகியாக வருபவர்கள் அவர்கள் நடித்த படத்தின் புரமோஷனுக்கு ஒரு சிலர் வருவதில்லை. படத்தின் நடிப்பது மட்டுமே அவர்களது வேலை. மற்றவை எல்லாம் படக்குழுவினர் பார்த்துக் கொள்ள வேண்டும். ஆனால் இங்கு ஒரு நடிகை தான் நடித்த படத்தின் போஸ்டரை அவரே ஒட்டி அனைவரின் கவனத்தை ஈர்த்துள்ளார்.

’மஞ்ச குருவி’ என்ற திரைப்படத்தில் கதாநாயகியாக நடித்திருப்பவர் நடிகை நீரஜா. இந்த படம் விரைவில் திரையில் வெளியாக இருக்கிறது.

இந்த சூழ்நிலையில் படத்தின் புரமோஷனுக்காக சாலையில் இறங்கி நீரஜா போஸ்டர் ஒட்டினார். அதைப் பற்றி அவரிடம் கேட்டதற்கு இது எனது படம் நன்றாக ஓட வேண்டும் அதற்காக நானே போஸ்டர் ஒட்டுகிறேன் என்றார்.

அவரது இந்த செயல் சினிமா வட்டாரத்தில் பேசபட்டு வருகிறது.