அஜித் நடிப்பில் 2015-ம் ஆண்டில் வெளியான திரைப்படம் ‘வேதாளம்’. இப்படத்தின் தெலுங்கு ரீமேக்கில் சிரஞ்சீவி நடித்துள்ளார். இவருக்கு ஜோடியாக தமன்னா நடிக்கிறார். தங்கை வேடத்தில் கீர்த்தி சுரேஷ் நடிக்கிறார். இப்படத்திற்கு ‘போலா ஷங்கர்’ என பெயரிடப்பட்டு உள்ளது.
இப்படம் நேற்று ஆந்திரா மற்றும் தெலுங்கானாவில் முழுதும் திரையரங்குகளில் வெளியானது. ஆனால் படத்தின் அதிகாலை ரசிகர் சிறப்பு காட்சிக்கு ஆந்திர அரசு தடை விதித்துவிட்டது.
வன்முறை காட்சிகள் அதிகம் என்று கூறி, இங்கிலாந்து, பெல்ஜியம் உள்ளிட்ட சில நாடுகளில் ரஜினியின் ஜெயிலர் படம் தடை செய்யப்பட்டு உள்ளது. இந்நிலையில் சிரஞ்சிவீயின் திரைப்படத்துக்கு அதிகாலை காட்சிக்கு ஆந்திராவில் தடை விதித்தது பரபரப்பை ஏற்படுத்தி உள்ளது.
ஆந்திர மாநில அரசின் சார்பில், ““திரைப்படத்தின் ஷூட்டிங் 20 சதவீதம் அந்தந்த மாநிலத்தில் எடுக்கப்பட்டு இருக்க வேண்டும். அப்போதுதான் மாநில அரசின் சலுகைகள் வழங்க முடியும். ஆனால் ‘போலா ஷங்கர்’ திரைப்படம் முழுக்க முழுக்க தெலுங்கானாவில் எடுக்கப்பட்டது. ஆகவேதான் இந்த சலுகை மறுக்கப்பட்டு உள்ளது” என்று தெரிவிக்கப்பட்டு உள்ளது.
இது சிரஞ்சீவி ரசிகர்களிடையே அதிருப்தியை ஏற்படுத்தி உள்ளது.
