ரசிகர்களால் மிகவும் எதிர்பார்க்கப்படும் காதல் திரைப்படமான ‘சீதா ராமம்’ வரும் ஆகஸ்ட் 5-ம் தேதி, உலகம் முழுவதும் திரையரங்குகளில் வெளியாகிறது.
ஸ்வப்னா சினிமா நிறுவனத்தின் சார்பில் தயாரிப்பாளர் அஸ்வினி தத் இப்படத்தை தயாரிக்கிறார்.
இந்தப் படத்தில் இளமை நாயகனான துல்கர் சல்மான் நடிக்கிறார். அழகு தேவதை மிருணாள் தாகூர் நாயகியாக நடிக்க, மிகவும் சிறப்பு வாய்ந்த பாத்திரத்தில் ராஷ்மிகா மந்தனா நடிக்கிறார்.
மேலும், கௌதம் மேனன், பிரகாஷ் ராஜ், தருண் பாஸ்கர், சத்ரு, பூமிகா சாவ்லா, ருக்மணி விஜய் குமார், சச்சின் கெடேகர், முரளி சர்மா, வெண்ணெலா கிஷோர் மற்றும் பலர் நடித்துள்ளனர்.
எழுத்து, இயக்கம் – ஹனு ராகவாபுடி, தயாரிப்பாளர்கள் – அஸ்வினி தத், தயாரிப்பு நிறுவனம் – ஸ்வப்னா சினிமா, வெளியீடு – வைஜெயந்தி மூவிஸ், ஒளிப்பதிவு – P.S.வினோத், ஸ்ரேயாஸ் கிருஷ்ணா, இசை – விஷால் சந்திரசேகர், படத் தொகுப்பு – கோத்தகிரி வெங்கடேஸ்வர ராவ், தயாரிப்பு வடிவமைப்பு – சுனில் பாபு, கலை இயக்கம் – வைஷ்ணவி ரெட்டி, பைசல் அலி கான், ஆடை வடிவமைப்பு – ஷீத்தல் ஷர்மா, நிர்வாக தயாரிப்பு – கீதா கௌதம், பத்திரிகை தொடர்பு – நிகில் முருகன்.
படத்தின் இசை பாடல் குறித்த முன்னோட்ட விளம்பரங்கள் சமீபத்தில் தயாரிப்பு தரப்பில் வெளியிடப்பட்டன. சமீபத்தில் வெளியிடப்பட்ட முதல் சிங்கிளான ‘ஓ சீதா ஹே ராமா’ என்ற மெல்லிசையில் உருவான காதல் பாடல், இசை ஆர்வலர்களை மயக்கியது. இந்தப் பாடல் வெளியான சிறிது நேரத்தில், சார்ட் பஸ்டர் ஆனது. இப்போது ஆல்பத்தின் அடுத்தடுத்த பாடல்களுக்கு ரசிகர்களிடம் பெரும் எதிர்பார்ப்பு நிலவுகிறது.
படத்தின் முன்னோட்டத்தின் மூலம் ரசிகர்களிடம் பெரும் பரபரப்பை ஏற்படுத்திய தயாரிப்பாளர்கள் தற்போது படத்தின் வெளியீட்டு தேதியையும் வெளியிட்டுள்ளனர்.
இந்த ‘சீதா ராமம்’ திரைப்படம் வரும் ஆகஸ்ட் 5-ம் தேதி உலகம் முழுவதும் திரையரங்குகளில் பிரமாண்டமாக வெளியாகிறது. இப்படம் தமிழ், தெலுங்கு, மலையாளம் ஆகிய மொழிகளில் ஒரே நேரத்தில் வெளியாகவுள்ளது.
