தமிழ், தெலுங்கு மற்றும் ஹிந்தி மொழிகளில் தொடர்ந்து நடித்து வரும் நடிகை சமந்தா, இயக்குனர் ராஜ் நிடிமொருவை காதலிக்கிறாரோ என்ற தகவல்கள் கடந்த சில மாதங்களாக வெளியாகி வருகின்றன. சமீப காலமாக, இருவரும் சேர்ந்து இருக்கும் புகைப்படங்களை சமந்தா தனது சமூக ஊடகங்களில் பகிர்ந்து வருகிறார். திருப்பதிக்கு சென்று இருவரும் சேர்ந்து சாமி தரிசனம் செய்த வீடியோவும் இணையத்தில் பரவி வந்தது.
சமந்தா, டிரலாலா மூவிங் பிக்சர்ஸ் என்ற படத்தயாரிப்பு நிறுவனத்தை தன்னிச்சையாக தொடங்கியிருந்தார். அதன் முதலாவது தயாரிப்பான சுபம் திரைப்படம் கடந்த வாரம் வெளியானது மற்றும் தற்போதும் ஓடிக் கொண்டிருக்கிறது. அந்தப் படத்துக்குழுவினருடன் எடுத்துக்கொண்ட புகைப்படங்களையும் சமந்தா பகிர்ந்துள்ளார். மேலும், திரைப்படத்தைக் கொண்டாடி, அவரது தாயார் உரையாற்றும் வீடியோவையும் வெளியிட்டுள்ளார்.
இந்த பதிவில், ராஜ் நிடிமொருவுடன் அமர்ந்திருக்கும் புகைப்படத்தை பதிவிட்டுள்ளார். இது இருவரும் காதலிக்கின்றனர் என்பதை மீண்டும் மீண்டும் உறுதிப்படுத்தும் விதமாய் உள்ளதாக ரசிகர்கள் கருத்து தெரிவித்து வருகின்றனர். மேலும், சுபம் திரைப்படத்தில் ராஜ் நிடிமொரு கிரியேட்டிவ் தயாரிப்பாளராக இருந்தது குறிப்பிடத்தக்கது.
