இருபது ஆண்டுகளுக்குப் பிறகு ஹீரோயின் ஆன ரேகா!

கடலோர கவிதைகள் படத்தில் அறிமுகமாகி, பல ஆண்டுகாலம் ஹீரோயினாக கோலோச்சியவர் ரேகா.  பிறகு அக்கா, அண்ணி என கேரக்டர் ரோல் செய்ய ஆரம்பித்தார்.

இந்த நிலையில், மாலதி நாராயண் இயக்கத்தில் தயாராகும் ‘மிரியம்மா’  படத்தில் மீண்டும் நாயகியாக நடிக்கிறார் ரேகா.

இவருடன் எழில் துரை, சினேகா குமார், அனிதா சம்பத், விஜே ஆஷிக், மாலதி நாராயண் ஆகியோர் நடிக்கிறார்கள்.

ஜேசன் வில்லியம்ஸ் ஒளிப்பதிவு செய்ய, இந்த திரைப்படத்தில் இடம் பெறும் பாடல்களுக்கு ஏ. ஆர். ரெஹைனா இசையமைக்கிறார்.

படத்தொகுப்பு பணிகளை கமல் கவனிக்க, கலை இயக்க பணிகளை ‘யாத்திசை’ புகழ் ரஞ்சித் மேற்கொள்கிறார்.

பெண்களை மையப்படுத்தி தயாராகும் இந்த திரைப்படத்தை 72 ஃபிலிம்ஸ் எனும் பட நிறுவனம் சார்பில் இயக்குநரான மாலதி நாராயண் தயாரிக்கிறார்.