ரீ ரிலிஸ் ஆன ’முத்து’ ஏ.ஆர். ரஹ்மான் நெகிழ்ச்சி பதிவு

கே.எஸ். ரவிக்குமார் இயக்கத்தில் ரஜினி, மீனா, சரத்பாபு உள்ளிட்ட பலர் நடிப்பில் 1995 ஆம் ஆண்டு வெளியான படம் ‘முத்து’. கவிதாலயா ப்ரோடக்‌ஷன்ஸ் தயாரித்திருந்த இப்படத்திற்கு ஏ.ஆர். ரஹ்மான் இசையமைத்திருந்தார். கமர்ஷியல் படமான இந்த திரைப்படம் 170 நாட்கள் கடந்து மாபெரும் வெற்றியை பெற்றது.

இந்த நிலையில் இந்த படம் வெளிவந்து 28 ஆண்டுகளுக்குப் பிறகு ரீ ரிலீஸாகியுள்ளது. இதனை ரஜினி ரசிகர்கள் மகிழ்ச்சியுடன் கொண்டாடி வருகின்றனர்.  இந்த நிலையில் ரீ ரிலீஸ் குறித்து ஏ.ஆர் ரஹ்மான் படக்குழுவிற்கு வாழ்த்து தெரிவித்துள்ளார். அவர் வெளியிட்டுள்ள எக்ஸ் பதிவில், “ரஜினிகாந்த் சாருடன் என்னுடைய முதல் படம். 4கே மற்றும் 5.1 தரத்துடன் தமிழ்நாடு முழுவதும் மீண்டும் வெளியிடப்படுகிறது. வாழ்த்துகள்” என நெகிழ்ச்சியுடன் குறிப்பிட்டுள்ளார்.