வேலன் புரொடக்ஷன்ஸ் நிறுவனத்தின் சார்பில் தயாரிப்பாளர் வி.எம்.முனிவேலன் தயாரிக்கும் புதிய திரைப்படம் ‘வெப்’.
நடிகர் ‘நட்டி’ நட்ராஜ் இந்தப் படத்தில் நாயகனாக நடிக்கிறார். இவருக்கு இந்தப் படத்தில் 4 நாயகிகள்.
‘காளி’ மற்றும் ‘இஸ்பேட் ராஜாவும் இதய ராணியும்’ ஆகிய படங்களில் நாயகியாக நடித்த ஷில்பா மஞ்சுநாத் இந்தப் படத்தில் முதன்மை நாயகியாக நடிக்கிறார்.
மேலும் ‘எல்லாம் மேல இருக்கிறவன் பார்த்துப்பான்’ படத்தில் நடித்த ஷாஸ்வி பாலா, ‘முந்திரி காடு’ & ‘கண்ணை நம்பாதே’ படங்களில் நடித்த சுபப்ரியா மலர் மற்றும் வி.ஜே. அனன்யா மணி ஆகியோர் மற்ற 3 நாயகிகளாக நடிக்கிறார்கள்.
படத்தின் முக்கிய வேடங்களில் பாரதா நாயுடு மற்றும் ப்ரீத்தி ஆகியோர் நடிக்கிறார்கள்.
இந்தப் படத்திற்கு கார்த்திக் ராஜா இசை அமைக்கிறார். கிறிஸ்டோபர் ஜோசப் ஒளிப்பதிவு செய்யும் இந்தப் படத்திற்கு படத் தொகுப்பை சுதர்சன் மேற்கொள்கிறார்.
கலை இயக்குநர் – அருண், சண்டை இயக்கம் – ஃபயர் கார்த்திக், ஆடை வடிவமைப்பு – டோரத்தி ஜெய், நிர்வாக தயாரிப்பு: கே.எஸ்.கே.செல்வா. இப்படத்தை புதுமுக இயக்குநரான ஹாரூன் இயக்குகிறார்.
இந்த ‘வெப்’ திரைப்படத்தின் பஸ்ட் லுக் தற்போது வெளியாகியுள்ளது.
