சிலம்பரசன் டி.ஆர். கதாநாயகனாக நடித்து பெரியளவில் ஹிட்டடித்த படங்களில் ஒன்று ‘மன்மதன்.’
2004-ம் ஆண்டு வெளியான இந்தப் படத்தில் சிலம்பரசன் டி.ஆர் உடன் ஜோதிகா, சிந்து துலானி, கவுண்டமணி, சந்தானம் என பலரும் நடித்திருந்த இந்தப் படத்தை இயக்குநர் ஏ.ஜே.முருகன் இயக்கியிருந்தார்.
‘மன்மதன்’ சிலம்பரசன் டி.ஆர் முதல் முறையாக இரட்டை வேடத்தில் நடித்த படம். யுவன் சங்கர் ராஜா இசையில் பாடல்கள் அத்தனையும் தாறுமாறான வரவேற்பு பெற்ற படம். சிலம்பரசனின் பரபரப்பான கதைக்காகவும், விறுவிறுப்பான திரைக்கதைக்காகவும் ரசிகர்களால் திரும்பத் திரும்பப் பார்க்கப்பட்ட படம்.
தற்போது இந்தப் படம், புதிய டிஜிட்டல் தொழில் நுட்பத்தில் (Sound system 2k 4k formality) மெருகேற்றப்பட்டு, புதுப்பொலிவுடன் வரும் மார்ச் 19-ம் தேதி மீண்டும் தியேட்டர்களில் வெளியாகவிருக்கிறது.
இந்தப் படத்தை நந்தினி தேவி பிலிம்ஸ் நிறுவனம் தமிழ்நாடு முழுவதும் 150 தியேட்டர்களில் வெளியிடுகிறது!
‘மன்மதன்’ மீண்டும் ரிலீஸாகவிருப்பது சிலம்பரசன் டி.ஆர் ரசிகர்களை உற்சாகத்தில் மிதக்க வைத்திருக்கிறது.
