அபுதாபியில் உள்ள யாஸ் தீவில் தற்போது நடைபெற்று வரும் IIFA வீக்கெண்ட் 2022-ல் தமிழில் எடுக்கப்பட்ட அதன் முதல் லாங் ஃபார்ம் ஸ்கிரிப்ட் ஒரிஜினல் தொடரான ‘சுழல் – தி வொர்டெக்ஸின்’ உலகளாவிய பிரீமியரை அமேஸான் பிரைம் வீடியோ இன்று அறிவித்தது.
டிடெக்டிவ் தொடரான ‘சுழல் – தி வோர்டெக்ஸ்’, இயக்குநர்கள் புஷ்கர் மற்றும் காயத்ரியால் படைக்கப்பட்டுள்ளது. இயக்குநர்கள் பிரம்மா மற்றும் எம்.அனுசரண் இருவரும் இணைந்து இத்தொடரை இயக்கியுள்ளனர்.
இத்தொடரில் கதிர், ஐஸ்வர்யா ராஜேஷ், ஸ்ரேயா ரெட்டி மற்றும் ராதாகிருஷ்ணன் பார்த்திபன் உள்ளிட்ட நட்சத்திரக் குழுவினர் பலர் முக்கிய கதாப்பாத்திரங்களில் பங்கேற்றுள்ளனர்.
இது எட்டு. எபிசோட்கள் கொண்ட தொடராக வெளிவருகிறது. இந்த க்ரைம் த்ரில்லர், இந்தியாவின் தென் பகுதியில் உள்ள ஒரு சிறிய நகரத்திலிருந்து காணாமல் போன பெண் குறித்த விசாரணையை மையமாகக் கொண்டுள்ளது.
தமிழ், இந்தி, கன்னடம், மலையாளம், தெலுங்கு மற்றும் ஆங்கிலம் உள்ளிட்ட பல இந்திய மொழிகளிலும், பிரெஞ்சு, ஜெர்மன், இத்தாலியன், ஜப்பானிய மொழி, போலிஷ், போர்த்துகீசியம், காஸ்டிலியன் ஸ்பானிஷ் லத்தீன் ஸ்பானிஷ், அரபு மற்றும் துருக்கிய. போன்ற வெளிநாட்டு மொழிகளில் டயலாக்குடனும், அத்துடன் சீனம், செக், டேனிஷ், டச்சு, பிலிப்பைன்ஸ், ஃபினிஷ், கிரேக்கம், ஹீப்ரு, ஹங்கேரியன், இந்தோனேஷியன், கொரியன், மலாய், நார்வேஜியன் போக்ம், ருமேனியன், ரஷியன், ஸ்வீடிஷ், தாய், உக்ரேனிய மற்றும் வியட்நாமிய மொழி உள்ளிட்ட பல வெளிநாட்டு மொழிகளில் சப்டைட்டில்களுடன் வெளிவரும் முதல் தொடர் இது என்பது குறிப்பிடத்தக்கது.
இந்தியா மற்றும் 240 நாடுகள் மற்றும் பிராந்தியங்களில் உள்ள அமேஸான் பிரைம் சந்தாதாரர்கள் வரும் ஜூன் 17-ம் தேதி முதல் ‘சுழல் – தி வோர்டெக்ஸைப்’ பார்க்க முடியும்.
இத்தொடர் குறித்து பேசிய புஷ்கர் மற்றும் காயத்ரி, “பொழுதுபோக்கு என்பது மொழிக்கு அப்பாற்பட்டது என்று நாங்கள் உண்மையிலேயே நம்புகிறோம். பார்வையாளர்கள், இன்று உலகம் முழுவதிலுமிருந்து நல்ல கதைகளைக் கேட்கத் தயாராக இருக்கிறார்கள்.
அமேசானில் ஸ்ட்ரீமிங் ஆகும் இந்த ‘சுழல் – தி வோர்டெக்ஸ்’ மூலம் நம் நாட்டின் சிறந்த உள்ளடக்கத்தை வெளிநாடுகளுக்கும் எடுத்துச் செல்லும் சிறந்த தொடக்கமாக அமைந்துள்ளது.
மர்மம் நிறைந்த இக்கதை பார்வையாளர்களை இருக்கைகளின் விளிம்பில் அமர வைத்திருக்கும். இயக்குநர்கள் பிரம்மா மற்றும் அனுசரண் இருவரும் கதையின் தீவிரத்தைப் பராமரிப்பதில் மகத்தான பணியைச் செய்துள்ளனர். மேலும் எங்களின் அற்புதமான நடிகர்கள் குழு, அவர்களின் ஆற்றல் நிரம்பிய நடிப்பால் கதாபாத்திரங்களுக்கு உயிர் கொடுத்துள்ளனர்.” என்றார்கள்.
