விஜய் சூப்பர் ஸ்டார் ஆகிவிட்டதாக சரத்குமார் பேசியது சர்ச்சையைக் கிளப்பியது. இதைத் தொடர்ந்து, ஜெயிலர் பட பாடலில், நான்தான் சூப்பர் ஸ்டார் என ரஜினி பாடி உள்ளார்.
இந்நிலையில், பட்டத்துக்காக கமல்ஹாசன் ராதா ரவியுடனே சண்டை போட்ட சம்பவம் குறித்த வீடியோ வைரலாகி வருகிறது.
அந்த வீடியோவில் ராதாவரி, “நிகழ்ச்சி ஒன்றில் கமல் பேசும் போது ரஜினிக்கு சூப்பர்ஸ்டார் பட்டம் கொடுத்தும், மற்ற அனைவருக்கும் அடைமொழிகளை சொல்லி பேசினார், கடைசியாக என் பெயரை வெறும் ராதாரவி என்று சொல்லி கடந்தார்.
நான் சும்மா விடுவேனா, நன்றியுரை நான் தான் வாசிக்கணும்.. நானும் ரஜினிகாந்துக்கு சூப்பர்ஸ்டார், விஜயகாந்துக்கு புரட்சிக் கலைஞர் என அனைவருக்கும் அடைமொழி கொடுத்து பேசிட்டு கடைசியாக கமல்ஹாசன் என சொல்லிவிட்டேன்.
இதை கேட்டதும் கடுப்பான கமல், மேடையில் இருந்து பின்புறம் இறங்கி செல்லும் போது, என் கையை புடிச்சிட்டான்.. அப்போலாம் நாங்க வாடா போடா நண்பர்கள் தான். ரஜினி மட்டும் சூப்பர்ஸ்டாரு.. நான் வெறும் கமல்ஹாசனா? என்றே கேட்டார். அதன் பின்னர் தான் எங்களுக்குள் மோதல் ஏற்பட்டது” என்று பேசியிருக்கிறார் ராதாரவி.
