சினிமா விமர்சகர் துரை சரவணன், கவிஞர் கண்ணதாசன் பாடல்கள் எழுதிய சூழ்நிலைகள் குறித்து வீடியோ வெளியிட்டுள்ளார்.
அதில் சரோஜாதேவியை எம்.ஜி.ஆரின் ஆஸ்தான கதாநாயகி அந்தஸ்தில் இருந்து சின்னப்பா தேவர் நீக்க செய்த முயற்சிகளையும், கண்ணதாசன் அதற்கு உதவியதையும் கூறியுள்ளார்.
அந்த வீடியோவில், “ஒரு காலத்தில் எம்.ஜி.ஆரின் ஆஸ்தான கதாநாயகியாக இருந்தவர் சரோஜாதேவி. எம்.ஜி.ஆர் – சரோஜாதேவி ஜோடி புகழ்பெற காரணமாக இருந்தவர் தயாரிப்பாளர் சின்னப்ப தேவர். சரோஜாதேவி பிரபலமான பிறகு, அவரின் தாயார் ருத்ரம்மா தயாரிப்பாளர்களிடம் கறாராக நடந்துக் கொள்ள ஆரம்பித்தார். இது பிரச்சினையை ஏற்படுத்தியது.
அப்படியான சமயத்தில் சின்னப்பா தேவர் வேட்டைக்காரன் படத்தில் எம்.ஜி.ஆருக்கு ஜோடியாக நடிக்க சரோஜாதேவியின் கால்ஷீட் கேட்க, ருத்ரம்மா மீண்டும் பிரச்சினை செய்து இருக்கிறார்.
அடுத்ததாக சின்னப்பா தேவர் நடிகை சாவித்திரியிடம் சென்று கால்ஷீட் கேட்டு வேட்டைக்காரன் படத்தில் நடிக்க வைத்தார்.
அடுத்தடுத்த படங்களில் எம்.ஜி.ஆருக்கு ஜோடியாக, ஜெயலலிதாவை தொடர்ந்து நடிக்கவைத்து, ஆஸ்தான நடிகை என்கிற அந்தஸ்துக்கு உயர்த்தினார்” என்று தெரிவித்தார் பத்திரிகையாளர் துரை.
