நடிப்புக்கு இன்னொரு பெயர் என்றால் விக்ரமை சொல்லலாம். தவிர, வெற்றிகரமான ஹீரோ அவர்.
ஆனால் அவரது ஆரம்ப காலம் அத்தனை எளிதாக இல்லை. 1990 முதல் நடித்து வந்தாலும் திரையுலகம் அவருக்கு பெரிய வெற்றிகளைத் தரவில்லை.
இந்த நிலையில்தான் 1997ம் ஆண்டு பாலா இயக்கத்தில் சேது படத்தில் நடிக்க ஆரம்பித்தார். பாலாவுக்கு அதுதான் முதல் படம். ஆனாலும் நம்பிக்கை வைத்து நடித்தார். இந்த படத்துக்காக 17 கிலோ எடை குறைக்க வேண்டும் என்றவுடன், பட்டினியாக இருந்து எடை குறைத்தார். நடிப்பில் அத்தனை ஆர்வம்.
ஆனால் சேது படத்தின் படப்பிடிப்பு பணப்பிரச்சினை காரணமாக இடையில் நின்றுவிட்டது. பிறகு ஒரு வழியாக படம் நிறைவடைந்தது. ஆனால் கிட்டதட்ட ஒரு ஆண்டு வரை வியாபாரம் ஆகவில்லை. நூறுக்கும் மேற்பட்ட சிறப்பு காட்சிகள் விநியோகஸ்தர்களுக்கு போட்டும் எந்த முன்னேற்றமும் இல்லை.
ஆனாலும் நிச்சயம் இந்த படம் வெளியாகும்.. வெற்றி பெறும் என்பதில் உறுதியாக இருந்தார் விக்ரம்.
ஒரு வழியாக திரைப்படம் 1999 ஆம் ஆண்டு வெளியானது. பெரும் வெற்றியும் பெற்றது.
அன்று முதல் இன்று வரை ஏறுமுகம்தான் விக்ரமுக்கு.
சேது படம் வெளியாவதற்கு முந்தைய கடுமையான காலட்டத்திலும் சோர்வடையாமல் திரைத்துறையை விட்டு விலகாமல் இருந்த விக்ரமின் உறுதிக்குக் கிடைத்த வெற்றிதான் இது.