ராகவ் மிர்தாத் இயக்கியுள்ள திரைப்படம் ‘பன் பட்டர் ஜாம்’. பிக்பாஸ் சீசன் 5ல் வெற்றி பெற்று பிரபலமான ராஜு ஜெகன் மோகன், இந்த படத்தின் மூலம் கதாநாயகனாக அறிமுகமாகியுள்ளார். இப்படத்திற்கு இசையமைப்பாளர் நிவாஸ் கே. பிரசன்னா இசையமைத்துள்ளார். இந்தப் படத்தை ‘ரெயின் ஆஃப் ஆரோஸ்’ நிறுவனம் தயாரித்துள்ளது.
‘காலங்களில் அவள் வசந்தம்’ திரைப்படத்தை இயக்கிய ராகவ் மிர்தாத் இந்த படத்தையும் இயக்கியுள்ளார். ஆத்யா பிரசாத், பவ்யா திரிகா, சார்லி, சரண்யா பொன்வண்ணன், தேவதர்ஷினி உள்ளிட்டோர் முக்கிய வேடங்களில் நடித்துள்ளனர். இன்றைய இளைஞர்கள் நிகழ்கால வாழ்க்கையை சிரிப்போடு எதிர்கொண்டு சமாளிக்க கற்றுக்கொள்ளும் ஒரு கதையை மையமாக கொண்டு இப்படம் உருவாக்கப்பட்டுள்ளது.
இப்படம் வரும் ஜூலை 18ஆம் தேதி திரைக்கு வரவுள்ளதாக படக்குழு அறிவித்துள்ளது. அண்மையில் இப்படத்தின் சில காட்சிகளை ‘ஸ்டீலர்’ என்ற தலைப்பில் படக்குழு வெளியிட்டிருந்தது. தற்போது, ‘பன் பட்டர் ஜாம்’ படத்தின் டிரெய்லரும் வெளியாகி ரசிகர்களிடம் கவனம் பெற்றுள்ளது.
