அப்போ.. அப்படி!

ரஜினிக்கு மகளாக நடித்த மீனா.. ஜோடியாக நடித்ததும், அவருக்கு ஜோடியாக நடித்து பிறகு மாமியாராக ஸ்ரீவித்யா நடித்ததும் தெரிந்த விசயம்.

இதை மனதில் வைத்துக்கொண்டு மேலும் படியுங்கள்.

1960 ஆம் ஆண்டு எம்.ஜி.ஆர், பானுமதி, எஸ்.எஸ்.ராஜேந்திரன், பத்மினி ஆகியோரின் நடிப்பில் வெளிவந்த திரைப்படம் “ராஜா தேசிங்கு”. இப்படத்தில் எஸ்.எஸ்.ராஜேந்திரனுக்கு ஜோடியாக பானுமதியை ஒப்பந்தம் பேச்சுவார்த்தை நடந்தது.

ஆனால் பானுமதி மறுத்துவிட்டார்.

அவர்,  “ஏற்கெனவே  “ரங்கோன் ராதா” படத்தில் நானும் சிவாஜியும் ஜோடியாக நடித்தோம். எங்கள் மகனாக எஸ்.எஸ்.ராஜேந்திரன் நடித்தார். அப்படி இரு்ககையில் அவருக்கு ஜோடியா நான் நடிக்க முடியாது” என மறுத்துவிட்டார்.

பிறகு, ராஜா தேசிங்கு படத்தில் எம்.ஜி.ஆருக்கு ஜோடியாக பானுமதி நடித்தார்.  எஸ்.எஸ்.ராஜேந்திரனுக்கு ஜோடியாக பத்மினி நடித்தார்.