கடல் கன்னி பற்றிய படத்தை ஃபோக்கஸ் பிலிம்ஸ் நிறுவனம் தயாரிக்கிறது.
ஆண்ட்ரியா இந்தப் படத்தில் கதாநாயகியாக, கடல் கன்னியாக நடிக்கிறார். கடல் கன்னி வேடத்தில் நடிக்கும் முதல் இந்திய நடிகை இவர்தான். இவருடன் சுனைனா, முனீஷ்காந்த், இந்துமதி மற்றும் 50 குழந்தைகளும் நடிக்கிறார்கள்.
ஒளிப்பதிவு – பாலசுப்ரமணியெம், கலை இயக்கம் – கிராஃபோர்ட் CRAWFORD
மக்கள் தொடர்பு – ஜான்சன், தயாரிப்பு – ஃபோக்கஸ் பிலிம்ஸ்.
இப்படத்தை, மணிரத்னம் உதவியாளர் தினேஷ் செல்வராஜ் இயக்கம் செய்கிறார். இவர், ஏற்கெனவே ‘துப்பாக்கி முனை’ என்ற படத்தை இயக்கியுள்ளார்.
சென்னை தி.நகரில் 50 லட்சம் மதிப்பில் செட் போடப்பட்டு படப்பிடிப்பு தொடங்கப்பட்டுள்ளது. இதையடுத்து திருச்செந்தூர் அருகேயிருக்கும் மணப்பாடு என்கிற இடத்தில் படப்பிடிப்பு நடைபெறவுள்ளது.
அதன் பிறகு கடல் கன்னிக்கான அனிமேஷன் வேலைகள் துவங்கவுள்ளன. படத்தில் முக்கிய பங்கு வகிக்கும் அனிமேஷன் பணிகளை லார்வென் LORVEN என்கிற நிறுவனம் மேற்கொள்ளவுள்ளது.
இப்படத்தின் படப்பிடிப்பு அடுத்த மாதம் முடிவடையும். வரும் கோடைக் காலத்தில் இப்படம் வெளியாகவுள்ளது.
