ப்ரியங்காவின் தங்கை நடிகை பரிதினிக்கு திருமணம்!

பிரபல இந்தி நடிகை ப்ரியங்கா சோப்ராவின் தங்கை. பரினிதி சோப்ரா. இவரும் இந்தியில் முன்னணி நடிகைதான். பரினிதிக்கு தற்போது 34 வயது ஆகிறது.

இவரும் ஆம் ஆத்மி கட்சி தலைவர்களில் ஒருவரான ராகவ் சதாவும் காதலிப்பதாக ஏற்கனவே கிசுகிசுக்கள் வந்தன. இருவரும் ஒன்றாக சுற்றும் புகைப்படங்களும் வெளியானது. ஆனாலும் இருவரும் இதனை உறுதிப்படுத்தாமல் இருந்தனர்.

தற்போது அவர்கள் மும்பை விமான நிலையத்தில் ஒரே காரில் ஏறிச்செல்லும் வீடியோ வெளியாகி வைரலாகியது. இந்தநிலையில் இருவரும் காதலிப்பதை பிரபல பாடகர் ஹார்டி சாந்து உறுதிப்படுத்தி உள்ளார்.

சோப்ராவுக்கும், ராகவ் சதாவுக்கும் விரைவில் திருமணம் நடக்க உள்ளதாகவும் தெரிவித்துள்ளார். இதையடுத்து பரினிதிக்கு வலைத்தளத்தில் ரசிகர்கள் வாழ்த்து தெரிவித்து உள்ளனர்.