பாரதீய ஜனதா கட்சியின் மிக முக்கிய பிரமுகரும், திரைப்பட நடிகையுமான குஷ்பூவின் டிவீட்டர் பக்கம் இன்று ஹேக் செய்யப்பட்டுள்ளது.
நடிகை குஷ்பூ தற்போது பா.ஜ.கட்சியில் மிகத் தீவிரமாக செயல்பட்டுக் கொண்டிருக்கிறார்கள். பாரதீய ஜனதா கட்சியின் சார்பான செய்திகளை தனது டிவீட்டர் பக்கத்தில் தொடர்ந்து பதிவிட்டுக் கொண்டிருந்தார்.
இந்த நிலைமையில் அவருடைய டிவீட்டர் பக்கத்தை சில விஷமிகள் இன்று ஹேக் செய்துள்ளனர். ஹேக் செய்த கையோடு குஷ்பூ இத்தனையாண்டுகளாக பதிவு செய்திருந்த அத்தனை பதிவுகளையும் அழித்துள்ளனர்.
மேலும் போலியாக briann என்ற பெயர் குறிக்கப்பட்டு அந்த டிவீட் பக்கம் இப்போதும் ஓப்பன் நிலையில் உள்ளது.
இது குறித்து நடிகை குஷ்பூ டிவீட்டர் நிர்வாகத்திடம் புகார் தெரிவித்துள்ளாராம். விரைவில் தனது டிவீட் பக்கம் மீட்கப்படும் என்ற நம்பிக்கையுடன் இருக்கிறார் நடிகை குஷ்பூ
