பிரபல இயக்குனர் மதுர் பந்தர்கர் இயக்கத்தில் நடிக்கும் நடிகை ரெஜினா கசாண்ட்ரா!

பெண்களை மையமாகக் கொண்டு உருவாகும் திரைப்படங்களை இயக்குவதில் சிறந்து விளங்குபவர் மதுர் பந்தர்கர்.

“ராக்கெட் பாய்ஸ்”, “கேசரி சேப்டர் – 2” போன்ற படங்களில் தனது நடிப்பாற்றலால் ரசிகர்களை கவர்ந்தவர் நடிகை ரெஜினா கசாண்ட்ரா. தற்போது, இவர் பிரபல இயக்குநர் மதுர் பந்தர்கர் இயக்கும் புதிய திரைப்படத்தில் நடிக்க ஒப்பந்தமாகியுள்ளார். இந்த திரைப்படத்திற்கு “The Wives” என்ற தலைப்பு வைத்துள்ளனர்.

மதுர் பந்தர்கர் ஒரு தேசிய விருது பெற்ற இயக்குநர் என்பது குறிப்பிடத்தக்கது. நடிகை ரெஜினா, “பார்சி”, “ஜாட்” போன்ற படங்களிலும் முன்னதாக நடித்துள்ளதுடன், இந்த புதிய திரைப்படம் அவரது நடிப்பு பயணத்தில் ஒரு முக்கிய படியாக அமையும் என எதிர்பார்க்கப்படுகிறது.