தமிழ் சினிமாவில் முன்னணி நடிகர்களில் ஒருவரான சரத்குமார், நூற்றுக்கும் மேற்பட்ட படங்களில் நடித்துள்ளார். கடந்த ஆண்டு வெளியான பொன்னியின் செல்வன், போர் தொழில், பரம் பொருள் போன்ற திரைப்படங்கள் மூலம் நல்ல வரவேற்பு பெற்றார். தற்போது அவர் போலீஸ் கதாபாத்திரத்தில் நடித்து வருகிறார். கடந்த மாதம் வெளியான ஹிட் லிஸ்ட் திரைப்படத்தில் முக்கிய கதாபாத்திரத்தில் நடித்திருந்தார்.
கடந்த ஆண்டு அவரின் 150-வது படமான தி ஸ்மைல் மேன் என்ற படத்தில் ஒப்பந்தமாகினார். ஷ்யாம் பர்வீன் இயக்கிய இப்படத்தில் சரத்குமார் அல்சைமர் நோய்க்கு பாதிக்கப்பட்ட ஓய்வு பெற்ற போலீஸ் அதிகாரியாக நடித்துள்ளார். அவரது நினைவுகள் அழிவதற்க்குள் தொடர் கொலைகள் செய்த குற்றவாளியை பிடிக்க வேண்டும் என்பதே படத்தின் கதைக்களம்.
சரத்குமாருடன் சிஜா ரோஸ், இனியா, ஜார்ஜ் மர்யான் மற்றும் பலர் நடித்துள்ளனர். சரத்குமார் பிறந்தநாளை முன்னிட்டு இன்று படத்தின் ஃபர்ஸ்ட் லுக் போஸ்டர் வெளியிடப்பட்டுள்ளது. படத்தின் டீசர் விரைவில் வெளியாகும் என படக்குழுவினர் அறிவித்துள்ளனர்.
