ஐஸ்வர்யா ரஜினிகாந்த் இயக்கத்தில் ரஜினி நடித்துள்ள ‘லால் சலாம்’ பெரும் எதிர்பார்ப்பை ஏற்படுத்தி வருகிறது. இந்தப் படத்தின் ஷூட்டிங் முடிந்து பொங்கலுக்கு வெளியாக தயாராக உள்ளது. இந்தப் படத்தின் டீசர் தீபாவளியையொட்டி வெளியாகி ரசிகர்கள் மத்தியில் வரவேற்பை பெற்று வருகிறது. படத்திற்கான எதிர்பார்ப்பையும் எகிற செய்துள்ளது.
இந்தப் படத்தை அடுத்து தற்போது ஞானவேல் இயக்கத்தில் தலைவர் 170 படத்தில் இணைந்துள்ளார் ரஜினி. தொடர்ந்து தலைவர் 171 படத்தில் லோகேஷ் கனகராஜ் இயக்கத்தில் இணைய இருப்பதாக தகவல் வெளியாகி வருகிறது.
இதனிடையே தீபாவளி பண்டிகையை தனது பேரன்கள் யாத்ரா மற்றும் லிங்காவுடன் ரஜினி கொண்டாட்டத்தில் ஈடுபட்டார். இந்த புகைப்படம் சமூக வலைதளங்களில் வெளியாகி ரசிகர்களை நெகிழ வைத்துள்ளது. ரஜினி வேட்டி -சட்டையில் காணப்பட்ட நிலையில் மூத்த பேரன் யாத்ராவும் வேட்டி சட்டை அணிந்திருக்கிறார். இந்த புகைப்படத்தில் லிங்கா மற்றும் யாத்ரா இடையில் ஏதோ பேச்சுவார்த்தை நடக்க அதை ரசித்து பார்க்கிறார் ரஜினி.
