“கதை படிக்கும்போதே பயந்துட்டேன்!”:  SYNC  பட ஹீரோ!

ஆஹா ஒ டி டி தளத்தில் வரும் ஜூலை 21 ம் தேதி SYNC என்ற படத்தை வெளியிடுகிறது. SYNC என்றால் ஒத்திசைவு என்று அர்த்தம். இப்படத்தை விகாஷ் ஆனந்த் ஸ்ரீதரன் இயக்கி உள்ளார்.ஹாரர் வகை படமான சிங்க் படத்தை இயக்குனர் தனது நண்பர்களுடன் இணைந்து தயாரித்துள்ளார்.

SYNC படத்தின் பத்திரிகையாளர் சந்திப்பில் பேசிய படத்தின் ஹீரோ கிஷான் “முதலும் நீ முடிவும் நீ தான் என் முதல் படம். அடுத்த படம் வித்தியாசமாக அமைய வேண்டும் என்பதற்காக பேய் படத்தில் நடித்தேன். இந்த ஸ்கிரிப்ட்டை டைரக்டர் என்னிடம் தந்து படிக்க சொல்லி சென்றுவிட்டார். பாதிக்கதை படித்துக்கொண்டு இருந்த போது திடீரென கரண்ட் போய்விட்டது. நான் உடனே பயந்து விட்டேன். இந்த சிங்க் கதை படிப்பதற்கே அவ்வளவு பயம் தந்தது. பார்க்கும் போதும் உங்களுக்கு பய உணர்வு இருக்கும் என்றார் “.