விஜய் நடித்த வாரிசு படம், பொங்கல் பண்டிகையை ஒட்டி வெளியாகி வெற்றி பெற்றது. தற்போது அவர், லோகேஷ் கனகராஜ் இயக்கத்தில் புதிய படத்தில் நடித்து வருகிறார். ‘தளபதி 67’ என்ற அடையாளத்தில் உருவாகி வரும் இப்படத்தின் படப்பிடிப்பு விறுவிறுப்பாக நடைபெற்று வருகிறது.
படத்தின் அப்டேட்களை விஜய் ரசிகர்கள் மிகுந்த ஆர்வத்துடன் எதிர்பார்த்து வருகின்றனர்.
இந்நிலையில் கோவையில் உள்ள தனியார் கல்லூரியில் நடைபெற்ற நிகழ்ச்சியில், இயக்குனர் லோகேஷ் கனகராஜ் சிறப்பு விருந்தினராக கலந்து கொண்டார்.
அப்போது அவரிடம், தளபதி 67 குறித்து அப்டேட் வழங்குமாறு அங்குள்ள மாணவர்கள் கேட்டனர். இதற்கு அவர், “தளபதி 67 குறித்து ஒரு முக்கிய குறிப்பு மட்டும் தருகிறேன், பிப்ரவரி 1, 2 மற்றும் 3 ஆகிய தேதிகளை குறித்து வைத்து கொள்ளுங்கள்” என்றார்.
ஆகவே, அன்றைய தினம் தளபதி 67 படத்தின் அப்டேட் வெளியாகும் என எதிர்பார்ப்பு எகிறியிருக்கிறது.
