ராஜமவுலி இயக்கத்தில் ராம் ரசரண், ஜூனியர் என்.டி.ஆர். உள்ளிட்டோர் நடித்து பெரும் வெற்றி பெற்றது பான் இண்டியா படமான, ‘ஆர்.ஆர்.ஆர்’.
கடந்த மார்ச் 25-ஆம் தேதி வெளியான இப்படம், பல விருதுகளையும் பெற்றது. சமீபத்தில்கூட, ‘ஆர்ஆர்ஆர்’ திரைப்படத்திற்காக இயக்குனர் ராஜமவுலி நியூயார்க் பிலிம்ஸ் கிரிட்டிக்ஸ் சர்க்கிள் விருதையும் எல்.ஏ (LA) பிலிம்ஸ் கிரிட்டிக்ஸ் விருதுகளையும் வென்றார்.
இந்நிலையில், 2023-ஆம் ஆண்டுக்கான ஆஸ்கார் விருதுகளுக்கான தேர்வு பட்டியலில் ராஜமௌலியின் ஆர்.ஆர்.ஆர் திரைப்படத்தில் இடம்பெற்ற “நாட்டு நாட்டு” பாடல், ஒரிஜினல் பாடல் பிரிவில் இடம்பிடித்து உள்ளது.
இது குறித்து கூறியிருக்கும் ராஜமவுலி, “இந்த தேர்வும் படத்துக்கான ஒரு அங்கீகாரம்தான். மிகவும் மகிழ்ச்சியாக உணர்கிறேன்” என தெரிவித்து உள்ளார்.
இப்படம், சிறந்த படம், சிறந்த இயக்குனர், சிறந்த நடிகர், சிறந்த விஷுவல் எஃபெக்ட்ஸ் உள்ளிட்ட பல பிரிவுகளில் பரிசீலனைக்கு அனுப்பப்பட்டது குறிப்பிடத்தக்கது.
