டிஜிட்டல் மார்க்கெட்டிங் துறையில் முன்னணி நிறுவனமாக வலம் வரும் Lights On Media தனது முதல் படைப்பாக தயாரித்துள்ள திரைப்படம் ‘பருந்தாகுது ஊர்க் குருவி’.
தயாரிப்பாளர்கள் சுரேஷ் EAV, சுந்தர கிருஷ்ணா.P, வெங்கி சந்திரசேகர் ஆகியோர் இணைந்து இப்படத்தைத் தயாரித்துள்ளனர்.
புத்தம் புதிய இளம் திறமையாளர்கள் இணைந்து இப்படத்தை உருவாக்கி வருகின்றனர்.
நிஷாந்த் ரூஷோ, விவேக் பிரசன்னா இருவரும் முதன்மை பாத்திரங்களில் நடித்துள்ளனர். மும்பை மாடல் காயத்திரி ஐயர் இப்படத்தில் நாயகியாக நடிக்கிறார். மேலும் ‘ராட்சசன்’ வினோத் சாகர், அருள் D சங்கர், கோடங்கி வடிவேல், E.ராம்தாஸ் ஆகியோர் முக்கிய கதாப்பாத்திரங்களில் நடித்துள்ளனர்.
ஒளிப்பதிவு – அஷ்வின் நோயல், படத் தொகுப்பு – நாகூரான் ராமசந்திரன், இசை – ரெஞ்சித் உண்ணி, சண்டை காட்சிகள் – ஓம் பிரகாஷ், கலை இயக்கம் – விவேக் செல்வராஜ், உடை வடிவமைப்பு – கார்த்திக் குமார்.S, சண்முகப்பிரியா, பத்திரிகை தொடர்பு – சதீஷ் (AIM).
இயக்குநர் ராம் அவர்களிடம் இணை இயக்குநராகப் பணியாற்றிய கோ.தனபாலன் இப்படத்திற்கு கதை, திரைக்கதை எழுதி இயக்குகிறார்.
‘வஞ்சகமும் சூழ்ச்சியும் ஒரு போதும் நிலைக்காது…’ எனும் கருத்தில், இளைஞர்கள் குழுவின் புது முயற்சியில், பரபர திரில் பயணமாக இந்தப் படம் உருவாகியுள்ளது.
பல புதிர்கள் நிறைந்த காட்டுக்குள் இருவர் மாட்டிக் கொள்ளும் சிக்கலான சூழலில், ஒருவர், மற்றொருவரை எப்படி காப்பாற்றுகிறார். அவர்கள் எப்படி உயிர் பிழைக்கிறார்கள் என்பதை ஒரே நாளில் நடக்கும் சம்பவங்களின் அடிப்படையில், சர்வைவல் திரில்லர் பாணியில் சொல்கிறது இப்படம்.
கூடலூர் மண் வயல் கிராமம் அருகே மனிதர்கள் நடமாடாத இருள் சூழ்ந்த காட்டுப் பகுதியில் படக் குழு தனது கடும் உழைப்பில் படத்தின் படப்பிடிப்பை நடத்தியுள்ளது. இதுவரை திரையில் கண்டிராத புது அனுபவமாக இத்திரைப்படம் இருக்கும்.
இந்த ‘பருந்தாகுது ஊர்க் குருவி’ படத்தின் ஃபர்ஸ்ட் லுக் போஸ்டரை ‘மக்கள் செல்வன்’ விஜய் சேதுபதி வெளியிட்டார்.
இப்படத்தின் வித்தியாசமான ஃபர்ஸ்ட் லுக் ரசிகர்களிடையே பெரும் ஆர்வத்தை தூண்டுவதோடு, பெரும் வரவேற்பையும் பெற்றுள்ளது.
படத்தின் டிரெய்லர், இசை மற்றும் திரையரங்கு வெளியீடு குறித்த அறிவிப்புகள் விரைவில் அதிகாரப்பூர்வமாக வெளியாகும்.
