சதுரங்க வேட்டை-பாகம்-2 ஜனவரியில் வெளியாகிறது

கடந்த 2014-ம் ஆண்டு நடிகர் மனோபாலாவின் தயாரிப்பில் நட்டி நடராஜ் நடித்து வெளிவந்து மாபெரும் வெற்றியைப் பெற்ற படம் ‘சதுரங்க வேட்டை’.

தற்போது அரவிந்த்சாமியின் நடிப்பில் ‘சதுரங்க வேட்டை’ படத்தின் இரண்டாம் பாகம் உருவாகி உள்ளது. அவருக்கு ஜோடியாக திரிஷா நடித்துள்ளார்.  இப்படத்தை விஜய் ஆண்டனி நடிப்பில் வெளிவந்த ‘சலீம்’ படத்தை இயக்கிய நிர்மல் குமார் இயக்கி உள்ளார். முந்தைய பாகத்தின் இயக்குநரான வினோத் இந்த இரண்டாம் பாகத்திற்குக் கதை, திரைக்கதை, வசனம் எழுதி உள்ளார். 

இந்த ‘சதுரங்க வேட்டை-2’ திரைப்படத்தை தற்போது ஆன் ஸ்கை டெக்னாலஜி பிரைவெட் லிமிடேட் நிறுவனத்தின் தயாரிப்பாளர் முத்து சம்பந்தம் வெளியிட இருக்கிறார்.

இப்படம் வருகின்ற ஜனவரி மாதம் உலகம் முழுதும் திரையரங்குகளில் வெளியாகிறது.