சூப்பர் ஸ்டார் ரஜினியின் ‘அண்ணாத்த’ திரைப்படம் இந்த வருடத் தீபாவளியன்று திரைக்கு வரவிருப்பதாக அதிகாரப்பூர்வமாக அறிவிக்கப்பட்டுள்ளது.
ரஜினியின் ‘அண்ணாத்த’ திரைப்படத்தின் படப்பிடிப்பு முற்றிலுமாக முடிவடைந்தாலும் இன்னமும் டப்பிங் பணிகள் முடிவடையவில்லை. ரஜினி இன்னமும் தன்னுடைய டப்பிங் போர்ஷனை முடிக்கவில்லை.
ரஜினி அமெரிக்காவில் இருந்து ஜூலை 2-வது வாரத்தில் சென்னைக்குத் திரும்பியவுடன் ‘அண்ணாத்த’ படத்திற்கு டப்பிங் பேசிக் கொடுப்பார் என்று எதிர்பார்க்கப்படுகிறது.
அதன் பிறகு அதன் இறுதிக்கட்ட பணிகள் நடைபெறவுள்ளது. இந்தப் பணிகள் முழுவதும் முடிவுற செப்டம்பர் மாதம் ஆகிவிடும்.
ஆனாலும் அதன் பின்பும் பொறுமையாக காத்திருந்து விடுமுறை தினமான தீபாவளி தினத்தன்று அத்திரைப்படம் வெளியாகும் என்று அந்தப் படத்தைத் தயாரிக்கும் சன் பிக்சர்ஸ் நிறுவனம் தெரிவித்துள்ளது.
‘அண்ணாத்த’ படத்தின் பர்ஸ்ட் லுக் போஸ்டரை இன்றைக்கு சன் பிக்சர்ஸ் நிறுவனம் வெளியிட்டுள்ளது. அந்தப் போஸ்டரில்தான் படம் தீபாவளியன்று திரைக்கு வரும் என்று அறிவிக்கப்பட்டுள்ளது.
