இயக்குனர் வெங்கட் பிரபு இயக்கத்தில், நடிகர் விஜய் முக்கிய கதாபாத்திரத்தில் நடித்து, உலகம் முழுவதும் உள்ள திரையரங்குகளில் நேற்று வெளியான ‘தி கோட்’ படம் வெற்றிகரமாக ஒளிபரப்பாகி வருகிறது. இப்படத்தில் விஜய்யுடன் பிரபு தேவா, பிரசாந்த், மோகன், சினேகா, மீனாட்சி சவுத்ரி, லைலா மற்றும் யோகி பாபு உள்ளிட்ட பலர் நடித்துள்ளனர்.
விஜய், இப்படத்தில் அப்பா மற்றும் மகன் என இரண்டு கதாபாத்திரங்களில் நடித்துள்ளார். இதில் மகன் கதாபாத்திரத்தில் விஜய்யின் வயதை குறைத்து காட்ட டீஏஜிங் தொழில்நுட்பம் பயன்படுத்தப்பட்டுள்ளது. மேலும், திரிஷா மற்றும் சிவகார்த்திகேயன் ஆகியோர் கேமியோ வேடங்களில் நடித்துள்ளனர். இதனால் படம் மீதான எதிர்பார்ப்பு மேலும் அதிகரித்துள்ளது.
இந்நிலையில், ‘தி கோட்’ திரைப்படம், மிகுந்த எதிர்பார்ப்புக்கு மத்தியில் வெளியானது. வெளியீட்டின் முதல் நாளிலேயே உலகம் முழுவதும் சுமார் 126.32 கோடி ரூபாய் வசூலித்துள்ளதாக அதிகாரப்பூர்வ தகவல் வெளியாகியுள்ளது.
