ஷபானா ஆஸ்மியின் காலைத் தொட்டு ஆசி பெற்ற நடிகை ஜோதிகா…ஏன் தெரியுமா?

தமிழிலும் ஹிந்தியிலும் உருவாகி வரும் ‘லயன்’ படத்தில் நடித்து வருகிறார் ஜோதிகா. அதோடு, ‘டப்பா கார்ட்டல்’ என்ற ஹிந்தி வெப் தொடரிலும் அவர் முக்கிய வேடத்தில் நடித்துள்ளார்.

இந்த வெப் தொடரின் டிரைலர் வெளியீட்டு விழா மும்பையில் நடைபெற்றது. நிகழ்ச்சியில் ஷபானா ஆஸ்மி, ஜோதிகா உள்ளிட்டோர் கலந்து கொண்டனர். அவர்கள் தங்களது தலையில் டப்பாவை வைத்து போஸ் கொடுத்த புகைப்படங்களும் வெளியாகியுள்ளன.

‘டப்பா கார்ட்டல்’ வெப் தொடரில் ஷபானா ஆஸ்மி, ஜோதிகா மட்டுமின்றி அஞ்சலி ஆனந்த், ஷாலினி பாண்டே ஆகியோரும் முக்கிய கதாபாத்திரங்களில் நடித்துள்ளனர். இந்த வெப் தொடர் பிப்ரவரி 28-ம் தேதி முதல் ஓடிடி தளத்தில் வெளியாக உள்ளது. மேலும், விழா நடந்துகொண்டிருந்தபோது, ஷபானா ஆஸ்மியின் காலைத் தொட்டு ஜோதிகா ஆசி பெற்ற புகைப்படம் சமூக வலைதளங்களில் வைரலாகியுள்ளது.