தி கோட் படத்தின் அடுத்தகட்ட படப்பிடிப்புக்காக விஜய் ரஷ்யா செல்ல இருப்பதாக தகவல்கள் வெளியாகியுள்ளன.
வெங்கட் பிரபு இயக்கத்தில் தி கோட் படத்தின் படப்பிடிப்பு கிட்டத்தட்ட கடைசிகட்டத்தை எட்டியுள்ளது.தி கோட் படத்தின் படப்பிடிப்பு வெளிநாட்டில் தொடங்கப்பட்டது. படத்தின் பெரும்பாலான காட்சிகள் படமாக்கப்பட்டு விட்டன.கிளைமேக்ஸ் காட்சிகள் கேரள மாநிலம் திருவனந்தபுரத்தில் எடுககப்பட்டன.
தி கோட் படப்பிடிப்பிற்காக கேரளா திருவனந்தபுரத்திற்கு சென்ற நடிகர் விஜய்க்கு ரசிகர்கள் அங்கு அவர் செல்லும் இடமெல்லாம் அன்பு மழை பொழிந்தனர்.பதிலுக்கு அவரும் அடிக்கடி தன்னை காண வரும் ரசிகர்களுக்கு மத்தியில் பேசி தனது அன்பையும் நன்றியையும் வெளிப்படுத்தினர்.
இந்நிலையில் படத்தின் இறுதிக்கட்ட படப்பிடிப்பிற்காக விஜய் ரஷ்யா செல்ல இருக்கிறார். ரஷ்யாவில் ஏப்ரல் 7ம் தேதி முதல் 17 தேதி வரை தி கோட் படத்தின் கடைசிக்கட்ட படப்பிடிப்புகள் நடக்கின்றன.அதேசமயம் ஏப்ரல் 19ம் தேதி முதல் பாரளுமன்ற தேர்தல் நடக்கவுள்ள நிலையில் தேர்தலுக்கு முன்பாக படப்பிடிப்பை முடித்துவிட்டு திரும்ப திட்டமிட்டுள்ளார்.
