விவேக்கின் எண்ணத்தை செயல்படுத்தும் அவரது மனைவி அருள்செல்வி

மறைந்த நடிகர் விவேக் மகள் தேஜஸ்வினிக்கும் சென்னை சேர்ந்த பரத் என்பவருக்கும் திருமணம் சென்னையில் உள்ள அவரது இல்லத்தில் நேற்று நடந்தது. இந்த விழாவில் மணமகன் மற்றும் மணமகள் குடும்பத்தார் நெருங்கிய உறவினர்கள் நண்பர்கள் கலந்து கொண்டார்கள்

திருமணத்துக்கு வந்த அனைவருக்கும் மரக்கன்றுகள், மூலிகை செடிகள் வழங்கப்பட்டன. திருமணம் முடிந்ததும் மணமக்கள் வீட்டு வளாகத்தில் மரக்கன்று நட்டனர்.

மறைந்த நடிகர் விவேக்கின் எண்ணமான மரக்கன்று நடுவதை மறக்காமல் திருமணத்திற்கு வந்தவர்களுக்கு மரக்கன்று வழங்கிய அவரது மனைவி அருள்செல்விக்கு பாராட்டுகள் குவிந்தன.

நடிகர் விவேக் – அருள்செல்வி தம்பதிக்கு தேஜஸ்வினி, அம்ரிதா நந்தினி என இருமகள்கள். இதில் தேஜஸ்வினிக்கு திருமணம் நடந்துள்ளது.