ஒரு காலகட்டத்தில் தொடர்ந்து ஹிட் படங்களைக் கொடுத்து வந்தவர் நடிகர் ராமராஜன். அவரது படங்கள் அனைத்துக்குமே அப்போது இளையராஜாதான் இசை அமைத்து வந்தார். பாடல்களும் சூப்பர் ஹிட். படத்தின் வெற்றிக்கு இசையும் ஒரு காரணம் என அப்போது பலரும் கூறிவந்தார்கள்.
இந்த நிலையில்,‘மனசுக்கேத்த மகராசா’ என்கிற படத்தில் ராமராஜன் கமிட் ஆனார். படத்துக்கு இசையமைப்பாளர் தேவா என தயாரிப்பாளர் முடிவெடுத்துவிட்டார். ஆனால், இதற்கு ராமராஜன் ஒப்புக்கொள்ளவே இல்லை.
‘யார் தேவா?’ என ராமராஜன் கேட்க அவர் நிறைய பக்தி பாடல்களுக்கு இசையமைத்தவர் என சொல்ல ராமராஜன் மேலும் கடுப்பானார். ‘பக்தி பாடல்களை போடுபவர் எல்லாம் என் படத்துக்கு இசையமைப்பதா? வேண்டவே வேண்டாம்’ என மறுத்துவிட்டார். ஆனால், தேவாவிடம் மெட்டுக்கள் வாங்கி பாடல்களை பதிவு செய்து ராமராஜனிடம் போட்டு காட்ட அவருக்கு பிடித்தவிட்டது. ஆகவே அந்த படத்துக்கு மட்டுமல்ல.. அதன் பிறகு அவரது சில படங்களுக்கு தேவா இசை அமைத்தார்.
பின்னர் தேவா ‘வைகாசி பொறந்தாச்சி’ படத்திற்கு இசையமைத்து தமிழ் சினிமா ரசிகர்களிடம் பிரபலமாகி ரஜினி, கமல், விஜய், அஜித் படங்கள் வரை இசையமைத்தது குறிப்பிடத்தக்கது.
இந்த தகவலை பத்திரிகையாளர் மணி தெரிவித்தார்.
