“வயதான ஊமை ராணி வேடத்துக்குத்தான் ஐஸ்வர்யா ராய் பொருத்தமாக இருந்தார்!”: வனிதா அதிரடி

மணிரத்னம் இயக்கத்தில் விக்ரம், கார்த்தி, ஜெயம்ரவி த்ரிஷா, ஐஸ்வர்யா ராய் உள்ளிட்டோர் நடித்த பொன்னியின் செல்வன் 2ம் பாகம் வெளியாகி மக்களிடம் வரவேற்பைப் பெற்றுள்ளது.

அதே நேரம், சில விமர்சனங்களும் எழுநதுள்ளன. இந்த நிலையில் நடிகை வனிதா, “படம் சிறப்பாக இருக்கிறது. ஆனால் ஒரு சின்ன மன வருத்தம் தான். ஐஸ்வர்யா ராயை அப்படியே காண்பித்து இருந்தால் நன்றாக இருக்கும். அவரை இளமையா காண்பிக்க வேண்டும் என்று மேக்கப் எல்லாம் அதிகமாகவே போட்டு விட்டார்கள். ஊமை ராணி கதாபாத்திரத்தில் அவர் அழகாக இருந்தார்.

ஆனால், நந்தினி கதாபாத்திரத்தில் தான் கொஞ்சம் செயற்கையாக இருந்தது. அதை கொஞ்சம் குறைத்திருக்கலாம். மற்றபடி வேறு ஒன்றும் இல்லை. அதேபோல் நான் உண்மையிலேயே ஐஸ்வர்யா ராய் ரசிகை”  என்று கூறியிருக்கிறார்.