அரசியலில் விஜய் தோல்வி அடைவார்: கே.ராஜன் கருத்து

நடிகர் விஜய் அரசியலில் நுழையப் போகிறார் என்று பரபரப்பாக பேசப்படும் நிலையில், ‘அவர் அரசியலுக்கு வந்தால் படுதோல்வி அடைவார்’ என தயாரிப்பாளர் கே ராஜன் கூறியுள்ளார்.

இது குறித்து அவர் அளஇத்துள்ள பேட்டியில், “234 தொகுதிகளில் இருந்தும் மாணவர்களை அழைத்தது பாராட்டியதும், இரவு பாடசாலை அமைப்பதும் நல்ல விசயம். ஆனால் காமராஜர் பிறந்தநாளில் அதைத் தொடங்குவது அரசியல்.

தவிர, கருணாநிதி, ஜெயலலிதா, எம்.ஜி.ஆர்.க்கு தனித்த குணநலன்கள் உண்டு. அவர்கள் எத்தனை ஏவுகணைகளையும் தாங்குவார்கள். ஆனால் விஜய் அப்படி அல்ல.
அவர் தனது தந்தையுடன் முரண்படுகிறார். அவரின் தந்தை விஜய்யை அரசியலுக்கு கொண்டுவர தீவிர முயற்சிகள் எடுத்தார்.

தற்போது புஸ்ஸி ஆனந்த் பின்னால் விஜய் செல்கிறார். முழு நேர அரசியலுக்கு வந்தால் விஜய் படுதோல்வி அடைவார்” என்றார் கே.ராஜன்.

.