தேசிய விருது இயக்குனர் பிளஸ்ஸி இயக்கத்தில் பிரித்விராஜ் நடித்துள்ள ஆடுஜீவிதம் படத்தின் ட்ரெய்லர் தற்போது வெளியாகி இருக்கிறது. ஏ ஆர் ரகுமான் இசையில் ட்ரெய்லரின் ஒவ்வொரு காட்சிகளும் படு மிரட்டலாக இருக்கிறது. அதிலும் இந்த படத்திற்காக முழு அர்ப்பணிப்பை கொடுத்துள்ள பிரித்விராஜை நிச்சயம் பாராட்டத்தான் வேண்டும்.
அந்த அளவிற்கு ஆள் அடையாளமே தெரியாத அளவுக்கு அவர் கேரக்டராகவே மாறி நடித்திருக்கிறார். அதனாலேயே இப்படம் சர்வதேச விழாக்களுக்கு அனுப்பி வைக்கப்பட்டது. மனதை கனக்க வைக்கும் வகையில் பல காட்சிகளைக் கொண்ட இந்த ட்ரெய்லரில் ரசிகர்கள் ஆச்சரியப்படும் அளவுக்கு ஒரு லிப்லாக் காட்சியும் இடம் பெற்று இருக்கிறது.
எந்த கேரக்டராக இருந்தாலும் துணிந்து நடிக்கும் அமலா பால் இப்படத்தில் இப்படி ஒரு காட்சியில் நடித்ததில் எந்த ஒரு ஆச்சரியமும் இல்லை. ஆனால் பிரித்விராஜ் சமீப காலமாக இப்படிப்பட்ட லிப்லாக் காட்சிகளில் அதிகமாக நடிக்க ஆரம்பித்து விட்டாரே என்றுதான் பலரும் ஆச்சரியப்பட்டு போகிறார்கள்.
ஏனென்றால் சமீபத்தில் வெளியான பிரம்மம் திரைப்படத்தில் கூட அவர் ஹீரோயின் ராசி கன்னாவுக்கு நச்சுன்னு ஒரு லிப் லாக் கொடுத்திருந்தார். அதைத்தொடர்ந்து இப்படத்தில் அமலா பாலுடன் நெருக்கம் காட்டி நடித்திருக்கிறார். அந்த வகையில் சம்பந்தப்பட்ட அந்த காட்சி ஹாலிவுட் படத்தில் வருவது போன்று இருப்பதாக ரசிகர்கள் கூறுகின்றனர்.
