‘அயோத்தி’, ‘கருடன்’, ‘நந்தன்’ போன்ற வெற்றிப் படங்களைத் தொடர்ந்து சசிகுமார் தற்போது நடித்துள்ள புதிய படம் ‘டூரிஸ்ட் பேமிலி’ ஆகும். இந்தப் படத்தை ‘குட் நைட்’ படத்தை தயாரித்த மில்லியன் டாலர் ஸ்டுடியோஸ் நிறுவனம் தயாரிக்கிறது. அபிஷன் ஜீவிந்த் இயக்கும் இந்த படத்தில் சிம்ரன் முக்கிய கதாநாயகியாக நடித்துள்ளார்.
யோகி பாபு, எம்.எஸ். பாஸ்கர், மிதுன் ஜெய்சங்கர் மற்றும் கமலேஷ் ஆகியோர் முக்கிய வேடங்களில் நடித்துள்ளனர். இப்படத்திற்கு இசையமைப்பை ஷான் ரோல்டன் மேற்கொண்டுள்ளார். சமீபத்தில் இப்படத்தின் டீசரும் டிரெய்லரும் வெளியிடப்பட்டது. இதில் சசிகுமார் மற்றும் சிம்ரன் இலங்கைத் தமிழர்களாக நடித்து பேசிய விதம் ரசிகர்களின் கவனத்தை அதிகமாக ஈர்த்துள்ளது.
இந்த படம் வரும் மே 1ஆம் தேதி திரையரங்குகளில் வெளியாக உள்ளது. இப்படத்திற்காக தணிக்கை வாரியம் ‘யு’ சான்றிதழை வழங்கியுள்ளது. இதற்கிடையில் ‘டூரிஸ்ட் பேமிலி’ படத்தின் டப்பிங் அலப்பறை வீடியோவையும் படக்குழு வெளியிட்டுள்ளது.
