இளம் நடிகர்களான துஷ்யந்த் ஜெயபிரகாஷ் மற்றும் கேப்ரியல்லா இணைந்து நடித்துள்ள திரைப்படம் வருணன். இந்த படத்தை யாக்கை பிலிம்ஸ் தயாரிப்பில் ஜெயவேல்முருகன் இயக்கியுள்ளார். இப்படத்தில் ராதா ரவி, சரண்ராஜ், ஷங்கர்நாக் விஜயன், ஹரிபிரியா, ஜீவா ரவி, மகேஷ்வரி மற்றும் பலர் முக்கியமான கதாப்பாத்திரங்களில் நடித்துள்ளனர்.
ஏற்கனவே இப்படத்தின் “காதலே”, “ஆசம் ஃபீலு” மற்றும் “கோளாரு” ஆகிய பாடல்கள் வெளியாகின. இந்நிலையில், படத்தின் அடுத்த பாடலான “முடியாதே” யுவனின் குரலில் வெளியாகியுள்ளது. இந்த பாடலின் வரிகளை ஹைடி கார்த்தி எழுதியுள்ளார்.
இந்த திரைப்படம் வரும் 14 ஆம் தேதி திரையரங்குகளில் வெளியாகவுள்ளது. படத்திற்கு போபோ சாஷி இசையமைத்துள்ளார், மேலும் ஸ்ரீராம சந்தோஷ் ஒளிப்பதிவை மேற்கொண்டுள்ளார். இப்படம் தண்ணீர் கேன் வியாபாரத்தை மையமாகக் கொண்டு, அதனுடன் சம்பந்தப்பட்ட பிரச்சனைகளை காங்க்ஸ்டர் கதைக்களமாக உருவாக்கியுள்ள திரைப்படமாகும்.
