The post ACTRESS HANSIKA’S LATEST STILLS appeared first on Touring Talkies.

தனுஷ் நடித்த ‘மாப்பிள்ளை’ படம் மூலமாக தமிழ் சினிமாவில் அறிமுகமானவர் ஹன்சிகா. தொடர்ந்து, விஜய், சூர்யா, கார்த்தி, ஜெயம் ரவி, சிம்பு உள்ளிட்ட முன்னணி ஹீரோக்களுக்கு ஜோடியாக நடித்தார். இடையில் சிம்புவைக் காதலித்து வந்து சில மாதங்களில் இருவரும் பிரிந்துவிட்டதாக அவர்களே தெரிவித்தனர்.

சமீப வருடங்களாக ஹன்ஸிகாவுக்கு பட வாய்ப்புகள் கிடைக்கவில்லை. வருடத்திற்கு ஒரு படம் என்ற அளவிலேயே அவர் நடித்து வந்தார். இந்த நிலையில் தென்னிந்தியாவைச் சேர்ந்த அரசியல் பிரமுகர் ஒருவரின் மகனை ஹன்ஸிகா திருமணம் செய்து கொள்ள இருப்பதாக கடந்த சில மாதங்களுக்கு முன் செய்தி பரவியது. அப்போது அதை அவர் மறுத்தார். இந்நிலையில், அவருடைய திருமணம் வரும் டிசம்பர் மாதம் நடக்க இருப்பதாக இப்போது செய்திகள் வெளியாகி உள்ளன.

ஜெய்ப்பூரில் உள்ள முண்டாடோ கோட்டை அரண்மனையில் ஹன்ஸிகாவின் திருமணம் நடக்க இருக்கிறதாம். திருமணத்துக்கு இன்னும் ஒரு மாதமே இருப்பதால் அதற்கான வேலைகள் நடந்து வருவதாக பாலிவுட் இணையத்தளங்கள் செய்திகளை வெளியிட்டுள்ளன. ஆனால், இதை நடிகை ஹன்சிகாவின் தரப்பில் இருந்து யாரும் உறுதிப்படுத்தவில்லை.

ஹன்சிகா கடந்த சில நாட்களுக்கு முன்புதான் இயக்குநர் ஆர்.கண்ணன் இயக்கத்தில் ஒரு புதிய படத்தில் நடிக்கவிருப்பதாகச் செய்திகள் வந்து அந்தப் படத்தின் பூஜை நிகழ்விலும் ஹன்ஸிகா கலந்து கொண்டார். இந்த நிலையில் இன்றைக்கு இந்தத் திருமணச் செய்தியும் வெளிவந்திருக்கிறது.

என்ன நடக்கிறது என்றே தெரியவில்லை..!

The post ஹன்ஸிகாவுக்கு டிசம்பரில் கல்யாணமா..? appeared first on Touring Talkies.