இயக்குநர் எம்.திருமலை இப்படத்தை இயக்குகிறார். ஒய்.என்.முரளி ஒளிப்பதிவு செய்கிறார். சுந்தர்.சி.பாபு  இசையமைக்கிறார். ஷலோம் ஸ்டூடியோஸ் நிறுவனத்தின் சார்பில் தயாரிப்பாளர் ஜான் மேக்ஸ்  இப்படத்தை  தயாரிக்கிறார்.

இப்படத்தின் துவக்க விழாவில் நடிகர்கள் நகுல், நட்டி நட்ராஜ்,ஸ இயக்குநர் சி.ரங்கநாதன், இயக்குநர் P.V.பிரசாத், இயக்குநர் ரஞ்சித்,  மகேந்திர  குமார்  நாகர்  மற்றும்  பலர்  கலந்து  கொண்டனர்.

The post நகுல், ஸ்ரீகாந்த், நட்டி நடிக்கும் படம் பூஜையுடன் துவங்கியது appeared first on Touring Talkies.

தமிழ் சினிமாவின் முன்னணி இயக்குநர்களாக தற்போது வலம் வந்து கொண்டிருக்கும் கவுதம் மேனன், சுதா கொங்கரா, கார்த்திக் சுப்புராஜ், ராஜீவ் மேனன், சுஹாசினி மணிரத்னம் ஆகியோர் இந்தப் படங்களை இயக்கியிருக்கிறார்கள்.

இதில் ‘இளமை இதோ இதோ’ என்ற கதையை சுதா கொங்கரா இயக்கியுள்ளார். இதில் நடிகர் காளிதாஸ் ஜெயராம், ஊர்வசி, கல்யாணி பிரியதர்ஷன் ஆகியோர் நடித்துள்ளனர்.

‘அவரும் நானும்/ அவளும் நானும்’ என்ற கதையை கவுதம் வாசுதேவ் மேனன் இயக்கியுள்ளார். இதில் ரீத்து வர்மா, எம்.எஸ்.பாஸ்கர் உள்ளிட்டோர் நடித்துள்ளனர்.

கார்த்திக் சுப்புராஜ் ‘மிராக்கிள்’ என்ற கதையை இயக்கியுள்ளார். இதில் பாபி சிம்ஹா, முத்துக்குமார் ஆகியோர் நடித்துள்ளனர்.

ராஜீவ் மேனன் இயக்கியிருக்கும் ‘ரீயூனியன்’ கதையில் ஆன்ட்ரியா, லீலா சாம்சன், குருச்சரண் ஆகியோர் நடித்துள்ளனர்.

சுஹாசினி மணிரத்னம் இயக்கி நடித்திருக்கும் ‘காஃபி எனி ஒன்’ கதையில் அவருடன் இணைந்து ஸ்ருதிஹாசன், அனுஹாசன் இவர்களுடன் சுஹாசினியின் அம்மாவும்  நடித்துள்ளார். பிரபல ஒளிப்பதிவாளர் பி.சி.ஸ்ரீராம் ஒளிப்பதிவு செய்துள்ளார்.

கடந்த அக்டோபர் 16-ம் தேதி அமேசான் ப்ரைம் தளத்தில் வெளியான இந்தப் படம் கலவையான விமர்சனங்களை பெற்று வருகின்றன.

ஐந்து கதைகளிலும் நடிப்பு பரவாயில்லை.. ஆனால், சுவாரசியமில்லாத திரைக்கதையாக உள்ளது. பெரிய இயக்குநர்கள், பிரபலங்கள் என்றால்தான் அமேஸானில் இப்படி வாய்ப்பு தருவார்களா என்றெல்லாம் இணையத்தில் கமெண்ட்டுகள் பறந்து கொண்டிருக்கின்றன.

இந்நிலையில் இத்திரைப்படம் குறித்து ட்விட்டரில் கருத்து பதிவிட்டிருக்கும் ஒளிப்பதிவாளரும் நடிகருமான நட்டி நட்ராஜ், “புத்தம் புதுக் காலை. ஆகக் கொடுமை. வாழ்த்துகள். தாங்க முடியலடா சாமி. கர்ப்பமுற்றால் ஸ்பேனிஷ் பாட்டு பாடுவோம். எங்களுக்கு ஸ்பேனிஷ் தெரியுமே…

ஆகச் சிறந்தவர்கள் தோற்றால் வளர்பவர்களுக்கு இடம் கிடைக்காது. நீங்கள் தோல்வியுற்ற நெறிமுறைகளைப் பாருங்கள். தயவு செய்து ஒரு தலைமுறையைக் கொல்லாதீர்கள். இடம் கொடுங்கள்.. இடம் கிடைக்கும்…” என்று ‘நட்டி’ நட்ராஜ் தெரிவித்துள்ளார்.

‘நட்டி’ நட்ராஜின் இந்த தைரியமான ட்வீட் தற்போது தமிழ்ச் சினிமா துறையில் ஒரு பரபரப்பை ஏற்படுத்தியுள்ளது.

The post “புத்தம் புதுக் காலை’ திரைப்படம் கொடுமையாக இருக்கிறது” – நடிகர் நட்டி நட்ராஜின் கமெண்ட்..! appeared first on Touring Talkies.

மென்பனி புரோடக்‌ஷன்ஸ் மற்றும் ழகரலயா ஃபிலிம் புரொடக்‌ஷன்ஸ் என்கிற நிறுவனம் இணைந்து தயாரிக்கும் ‘இன்ஃபினிட்டி’ என பெயரிடப்பட்டுள்ள புதிய திரைப்படத்தில் நட்டி நட்ராஜ் கதாநாயகனாக நடித்துக் கொண்டிருக்கிறார்.

வித்தியாசமான கதை களம் கொண்ட இப்படம் உண்மை சம்பவத்தை மையமாக உருவாகிக் கொண்டிருக்கிறது. அறிமுக இயக்குநர் சாய் கார்த்திக் எழுதி, இயக்குகிறார். நட்டி புதுவிதமான தோற்றத்தில் இந்தப் படத்தில் நடிக்கிறார்.

நட்டியுடன் வித்யா பிரதீப், ராமதாஸ் (முனிஸ்காந்த்), ‘மெட்ராஸ்’ சார்லஸ் வினோத், முருகானந்தம், ‘ராட்சசன்’ வினோத் சாகர், மற்றும் பல முன்னணி நடிகர்கள் நடித்துக் கொண்டிருக்கிறார்கள்.

இந்தப் படத்தின் இரண்டாம் கட்ட படப்பிடிப்பு சென்னை மற்றும் அதன் சுற்று வட்டார பகுதிகளில் பரபரப்பாக நடந்து கொண்டிருக்கிறது.

மென்பனி புரோடக்‌ஷன்ஸ் சார்பாக மணிகண்டனும், ழகரலயா ஃபிலிம் புரோடக்‌ஷன்ஸ் சார்பாக பிரியதர்ஷினியும் இணைந்து இந்தப் படத்தைத் தயாரிக்கிறார்கள்.

இசை – டாம் ஜோ, ஒளிப்பதிவு – விஷ்ணு கே ராஜா, படத் தொகுப்பு – எஸ்.என்.ஃபாசில், ஸ்டண்ட் – சில்வா.

The post நட்டி நட்ராஜ், வித்யா பிரதீப் நடிக்கும் ‘இன்ஃபினிட்டி’ திரைப்படம் appeared first on Touring Talkies.